تورته التحرير

مبروووك لمصر

مبروووك للحريه

شكرا لشباب التحرير

شكرا للعزيمه والاصرار

وبالمناسبه دى ح أقدم تورته لشباب

التحرير وح أسميها

تورته التحرير

المقادير

10 بيضات متوسطه
2 كوب الا ربع سكر بودره ناعم
2 كوب دقيق
فانليا
طبعا مش ح نستعمل بيكنج بودر

 في الكيك الاسنفجي

 لان الاعتماد الاساسي على الهواء

اللى بيدخل اثناء ضرب البيض

الطريقه 

اول خطوه بنفصل البياض عن الصفار

و يضرب كلا منهما مع نصف كمية السكر

ده شكل الصفار بعد الضرب

و ده شكل البياض بالسكر

وبعدين بنضيف البياض الي الصفار

 و بعدين بضيف الدقيق بخفة شديده

 على  دفعات

و لازم تلاحظوا هشاشته..و خفته..

و ده شئ مهم جدا

ومن عوامل نجاح الكيكه الاسفنجيه

ويصب فى الصينيه

 و يفضل ان يكون قالب جداره عال ..بعد دهنها بالسمن و الدقيق

وبندخلها فى فرن ساخن

و بعدين بهدي عليها النار حوالي 50 دقيقه

و بعدين بطفي الفرن و اتركها بداخله عشان لما تقابل هواء بارد مباشرة بتهبط

فبتركها حوالي 20 دقيقه

 و بعدين اقبها على منخل سلك

و بعدين ابدأ في التزيين

اى فاكهه تحبيها  

أنااستخدمت شرائح خوخ
كريز اخضر
فراوله مغطاه بالشيكولاته السائلة
شرائح تفاح
كريم شانيه ابيض و بالشيكولاته
ثلاث اصابع من بسكويت الشيكولاته
بعدها بقسم الكيك الى نصفين

و بضيف الكريم شانتيه الابيض بين الطبقتين

انا غطيتها اولا بالكريمه البيضاء و بعدين عملت طبقات من الخوخ و التفاخ و الفراوله

وممكن تزينيها حسب زوقك ورغبتك

والفاكهه اللى تحبيها

وده الشكل النهائى

وبالهناااااااا

والف مبرووووك لشعب مصر

لمعرفه طريقة تورته الكسندرا

 للشيف أحمد القاضى

ح تلاقوها فى مكتبه الفيديو

أنشر الموضوع فى المفضلات الاجتماعية من هنا

طريقه عمل الكمونيه

اصدقائى وحبايبى

وحشتونى

يارب تكونوا بخير انتوا وكل حبايبكم

اتمنى من ربنا ان يحفظ بلدنا مصر

ويحفظ شعب مصر

ويعم الامن والامان والاستقرار

لكل شبر فى البلد

قولوا امين

انهارده جايبه معايا طريقه الكمونيه

وجبه جميله وسهله

 ومش بتاخذ وقت كبير

ح يجبوها اولادكم قبل ازواجكم

يارب تعجبكم

   

المقادير

2/1 كيلو لحم بتلو مقطع مكعبات

2 ملعقة كمون مطحون

ملعقة دقيق

بصل

ثوم

ملح

فلفل

طماطم

ورق لوري

حبهان

بطاطس

الطريقة 

في إناء على النار

 نضع البصل الشرائح في القليل من الزيت

 ونتركه إلى أن يحمر قليلاً

ثم نضع الكمون والحبهان وورق اللوري

نخلط اللحم بالقليل من الدقيق والكمون والحبهان

ونضع الثوم المفروم فوق البصل

 ونحركهم جيداً ثم نضع اللحم البتلو فوق الخليط

ونقلب جيداً ونضع طماطم مبشورة فوق اللحم

 ونقلبه ايضا جيداً

 ونضع القليل من الماء

 لنستكمل عملية السوى

نكون قبل ذلك مجهزين البطاطس المحمره

 وتكون نصف سوا

 ثم نضعها على الخليط ونقلبه

ويقدم 

بالهنااااااااااااااااا 

اتمنى تكون وصفه الكمونيه جديده وسهله عليكم

ولمزيد من الوصفات بالفيديو

ح تلاقوها فى

 مكتبه الفيديو

أنشر الموضوع فى المفضلات الاجتماعية من هنا

كباب حله ولا أحلى من كده

الطبق ده اهداء منى  الى كل امرأه عامله
لانه سهل جدا ومش بياخد وقت
وممكن تتبليه قبل ما تروحى شغلك وترجعى
تحضريه فى دقائق

مقادير كباب الحله 

نصف كيلو شرائح من اللحم البقري

 2 بصل

فلفل  حار " ممكن الاستغناء عنه "

 بهارات

 زنجبيل

 ملح

 قطع من دهن الخروف
الطريقه

قطعي البصل والفلفل شرائح واخلطيهم مع شرائح اللحم والبهارات والزنجبيل واتركيها في الخليط
لمدة  4 او 5 ساعات  في الثلاجة

ضعي الخليط في إناء على النار من غير ميه
ولما يغلي هدى النار عليه واتركيه
 لغايه ما يستوى 

لفي الإناء بورق الألمونيوم
وادخليه الفرن
 ولا يكمل السوى سخني فحمة على النار
 وضعيها عليه ليكتسب رائحة الشواء
ويقدم مع طبق مكرونها أو بطاطس محمرة .
وبالهناااا

لمعرفة طريقة

كاليمارى محشى للشيف الشربينى

حتلاقيها فى مكتبه الفيديو

أنشر الموضوع فى المفضلات الاجتماعية من هنا

بعض الاقنعه لتفتيح البشره

السلام عليكم

حبايبى متابعى ركن المرأه

لكى تحصلى على بشره بيضاء بسهوله

 فاليكى بعض الاقنعه السهله البسيطه

التى تعطيكى النتيجه المرجوه

ولا تقلقى فهذه الاقنعه مجربه وسهله

وغير مكلفة ويمكن عملها فى البيت

بمنتهى البساطه

قناع بياض البيض

يستخدم هذا القناع لتبيض البشرة العادية والدهنية فقط دون البشرة الحساسة أو الرقيقة ويتكون هذا القناع من بياض بيضة واحدة

 و5 نقط من عصير الليمون و نخلط المكونات جيدا ويدهن الوجه والعنق بفرشاة

ويترك لمده عشر دقائق ثم يشطف بالماء البارد.

- قناع اللبن بالدقيق 

يستخدم لتبيض البشرة العادية

الغير حساسة

ويحتوى هذا القناع على 3 ملاعق دقيق نقى

وكمية مناسبة من اللبن الحليب الطازج

 و عصير ليمونة واحدة

 وتخلط خلط جيدا إلى أن تتكون عجينة لينة

 ثم نضعها على البشرة 

 ويترك على البشرة لمدة 20 دقيقة

 ثم يشطف بالماء الدافئ.

أنشر الموضوع فى المفضلات الاجتماعية من هنا

اجمل تورته لشعب تونس الحبيب

اجمل تحيه لاجمل وقفه

لاجمل شعب

شعب تونس الحبيب وباقدم لهم اجمل تورته

المقادير

8 بيضات

2 كوب دقيق

2 كوب سكر ناعم

ملعقة صغيرة بكينج باودر

نصف ملعقة صغيرة فانيليا

2 ملعقة كاكاو بودرة

مقادير الحشو

 450 جرام كريمة شيكولاتة

250 جرام سوفت جلاس شيكولاتة

 200 جرام شيكولاتة لتزيين التورتة

الطريقه 

اول حاجه يتم تسخين الفرن على درجة حرارة

180 مئوية

 ويحضر القالب اللى ح نعمل فيه الكيك

و يفضل أن يكون على شكل قلب
او ذى ما تحبى

و ندهنه بالزبد ونبطنه بالدقيق

و يخفق البيض مع السكر والفانيليا بالمضرب الكهربائي مدة 20 دقيقة

 ينخل الدقيق مع البكينج بودر نضيف اليه

 مقدار الكاكاو

ثم نضيف جميع المكونات الأخرى بالتدريج

 إلى خليط البيض والسكر

طبعا مع الاستمرار بالتقليب بمنتهى الخفة

 يسكب خليط الكيكة في القالب

 ويدخل فى الفرن لمدة 45 دقيقة

 أو الى ان تنضج الكيكه

وعلشان نعرف ان الكيكيه اكتملت نضجها نلاحظ انفصال الكيكة عن جدار القالب

 تقلب الكيكة بعد إخراجها من الفرن

 على قاعدة من السلك 

ونتركها لتبرد

 وتقطع بعد ذلك إلى ثلاثة أجزاء متساوية

  ويفصل كل جزء على حدة

 ثم يوضع الجزء الأسفل على طبق التقديم

 ونضع طبقة من كريمة الشيكولاتة عليها

والطبقه الثانيه كذلك

والثالثه ايضا

 بعدها تساوى الطبقات الثلاث فوق بعضها

ونغطى جوانب التورتة بكريمة الشيكولاته

 وتوضع فى الفريزر لمدة 10 دقائق

حتى تتماسك

ونخرجها بعد ذلك ويوضع عليها
سوفت جلاس الشيكولاتة

ثم تزين من الجوانب ببشر الشيكولاته الخام

 وعلى الوجه بوردات من الشيكولاته
وحبات الكريز
او اى مكسرات حسب رغبتك

وبالهنااااااااا

لمشاهده كيكه نانسى عجرم
ح نلاقيها فى مكتبه الفيديو
فالى هنااااك

أنشر الموضوع فى المفضلات الاجتماعية من هنا

فراخ بالحمص والزنجبيل والكارى

أصدقائى وحبايبى

وحشتونى جداً جداً جداً

يارب تكونوا بخير وصحه

وكل سنه وأنتوا طيبين

أتاخرت عليكوا كتير

ياريت تسامحونى

وصفتى انهارده جميله ولذيذه

وسهله جدا على ست البيت

أنتوا عارفين أن الفراخ طرق اعدادها كتير

وممكن نفنن فيها براحتنا

وعلى رأى المثل

ليث يطلع كويس

ههههههههه

لكن أحنا ديما ستات البيوت بنحب

نبتكر حاجات جديده

علشان نسعد بيها أزواجنا وأطفالنا

معايا النهارده

فراخ بالحمص والزنجبيل والكارى

يارب تعجبكوا

وتكون سهله عليكوا

المقادير

نص كيلو صدور فراخ مقطعة مربعات

 4 طماطم مقطعة ملعقة صلصة طماطم بصلة مقطعة قطع صغيرة نصف كوب زيت 4 فصوص ثوم مبشورة فلفل و ملح و بهارات كاري زنجبيل

وزعتركوب زباديكوب حمص مسلوق نصف كوب ماء 

الطريقه

 نضع البصل في المقلاه فى كمية من الزيت

إلى أن يصبح لونها ذهبى 

 ثم نضيف الثوم والطماطم و صلصة الطماطم  نضيف الفراخ مع البهارات و الملح

و الفلفل و الزنجبيل والكاري والزعتر ثم نضيف بعدها قليل من الماء

حتى ينضج صدور الفراخوبعدها نضيف الزبادي و الحمص

و نتركه ليستوي لمدة 5 دقائق

ثم نقدمه مع الأرز الأبيض

وبالهنا والشفاااااا

اعتقد أن دى طريقه بسيطه وسريعه التحضير

يارب تعجبكم

وأحب افكركم بمكتبه الفيديو

ح تلاقوا فيها أجمل الوصفات

من أشهر الشيفات

اقعدوا بالعافيه

أنشر الموضوع فى المفضلات الاجتماعية من هنا