كباب حله ولا أحلى من كده

الطبق ده اهداء منى  الى كل امرأه عامله
لانه سهل جدا ومش بياخد وقت
وممكن تتبليه قبل ما تروحى شغلك وترجعى
تحضريه فى دقائق

مقادير كباب الحله 

نصف كيلو شرائح من اللحم البقري

 2 بصل

فلفل  حار " ممكن الاستغناء عنه "

 بهارات

 زنجبيل

 ملح

 قطع من دهن الخروف
الطريقه

قطعي البصل والفلفل شرائح واخلطيهم مع شرائح اللحم والبهارات والزنجبيل واتركيها في الخليط
لمدة  4 او 5 ساعات  في الثلاجة

ضعي الخليط في إناء على النار من غير ميه
ولما يغلي هدى النار عليه واتركيه
 لغايه ما يستوى 

لفي الإناء بورق الألمونيوم
وادخليه الفرن
 ولا يكمل السوى سخني فحمة على النار
 وضعيها عليه ليكتسب رائحة الشواء
ويقدم مع طبق مكرونها أو بطاطس محمرة .
وبالهناااا

لمعرفة طريقة

كاليمارى محشى للشيف الشربينى

حتلاقيها فى مكتبه الفيديو

أنشر الموضوع فى المفضلات الاجتماعية من هنا

بعض الاقنعه لتفتيح البشره

السلام عليكم

حبايبى متابعى ركن المرأه

لكى تحصلى على بشره بيضاء بسهوله

 فاليكى بعض الاقنعه السهله البسيطه

التى تعطيكى النتيجه المرجوه

ولا تقلقى فهذه الاقنعه مجربه وسهله

وغير مكلفة ويمكن عملها فى البيت

بمنتهى البساطه

قناع بياض البيض

يستخدم هذا القناع لتبيض البشرة العادية والدهنية فقط دون البشرة الحساسة أو الرقيقة ويتكون هذا القناع من بياض بيضة واحدة

 و5 نقط من عصير الليمون و نخلط المكونات جيدا ويدهن الوجه والعنق بفرشاة

ويترك لمده عشر دقائق ثم يشطف بالماء البارد.

- قناع اللبن بالدقيق 

يستخدم لتبيض البشرة العادية

الغير حساسة

ويحتوى هذا القناع على 3 ملاعق دقيق نقى

وكمية مناسبة من اللبن الحليب الطازج

 و عصير ليمونة واحدة

 وتخلط خلط جيدا إلى أن تتكون عجينة لينة

 ثم نضعها على البشرة 

 ويترك على البشرة لمدة 20 دقيقة

 ثم يشطف بالماء الدافئ.

أنشر الموضوع فى المفضلات الاجتماعية من هنا

اجمل تورته لشعب تونس الحبيب

اجمل تحيه لاجمل وقفه

لاجمل شعب

شعب تونس الحبيب وباقدم لهم اجمل تورته

المقادير

8 بيضات

2 كوب دقيق

2 كوب سكر ناعم

ملعقة صغيرة بكينج باودر

نصف ملعقة صغيرة فانيليا

2 ملعقة كاكاو بودرة

مقادير الحشو

 450 جرام كريمة شيكولاتة

250 جرام سوفت جلاس شيكولاتة

 200 جرام شيكولاتة لتزيين التورتة

الطريقه 

اول حاجه يتم تسخين الفرن على درجة حرارة

180 مئوية

 ويحضر القالب اللى ح نعمل فيه الكيك

و يفضل أن يكون على شكل قلب
او ذى ما تحبى

و ندهنه بالزبد ونبطنه بالدقيق

و يخفق البيض مع السكر والفانيليا بالمضرب الكهربائي مدة 20 دقيقة

 ينخل الدقيق مع البكينج بودر نضيف اليه

 مقدار الكاكاو

ثم نضيف جميع المكونات الأخرى بالتدريج

 إلى خليط البيض والسكر

طبعا مع الاستمرار بالتقليب بمنتهى الخفة

 يسكب خليط الكيكة في القالب

 ويدخل فى الفرن لمدة 45 دقيقة

 أو الى ان تنضج الكيكه

وعلشان نعرف ان الكيكيه اكتملت نضجها نلاحظ انفصال الكيكة عن جدار القالب

 تقلب الكيكة بعد إخراجها من الفرن

 على قاعدة من السلك 

ونتركها لتبرد

 وتقطع بعد ذلك إلى ثلاثة أجزاء متساوية

  ويفصل كل جزء على حدة

 ثم يوضع الجزء الأسفل على طبق التقديم

 ونضع طبقة من كريمة الشيكولاتة عليها

والطبقه الثانيه كذلك

والثالثه ايضا

 بعدها تساوى الطبقات الثلاث فوق بعضها

ونغطى جوانب التورتة بكريمة الشيكولاته

 وتوضع فى الفريزر لمدة 10 دقائق

حتى تتماسك

ونخرجها بعد ذلك ويوضع عليها
سوفت جلاس الشيكولاتة

ثم تزين من الجوانب ببشر الشيكولاته الخام

 وعلى الوجه بوردات من الشيكولاته
وحبات الكريز
او اى مكسرات حسب رغبتك

وبالهنااااااااا

لمشاهده كيكه نانسى عجرم
ح نلاقيها فى مكتبه الفيديو
فالى هنااااك

أنشر الموضوع فى المفضلات الاجتماعية من هنا

فراخ بالحمص والزنجبيل والكارى

أصدقائى وحبايبى

وحشتونى جداً جداً جداً

يارب تكونوا بخير وصحه

وكل سنه وأنتوا طيبين

أتاخرت عليكوا كتير

ياريت تسامحونى

وصفتى انهارده جميله ولذيذه

وسهله جدا على ست البيت

أنتوا عارفين أن الفراخ طرق اعدادها كتير

وممكن نفنن فيها براحتنا

وعلى رأى المثل

ليث يطلع كويس

ههههههههه

لكن أحنا ديما ستات البيوت بنحب

نبتكر حاجات جديده

علشان نسعد بيها أزواجنا وأطفالنا

معايا النهارده

فراخ بالحمص والزنجبيل والكارى

يارب تعجبكوا

وتكون سهله عليكوا

المقادير

نص كيلو صدور فراخ مقطعة مربعات

 4 طماطم مقطعة ملعقة صلصة طماطم بصلة مقطعة قطع صغيرة نصف كوب زيت 4 فصوص ثوم مبشورة فلفل و ملح و بهارات كاري زنجبيل

وزعتركوب زباديكوب حمص مسلوق نصف كوب ماء 

الطريقه

 نضع البصل في المقلاه فى كمية من الزيت

إلى أن يصبح لونها ذهبى 

 ثم نضيف الثوم والطماطم و صلصة الطماطم  نضيف الفراخ مع البهارات و الملح

و الفلفل و الزنجبيل والكاري والزعتر ثم نضيف بعدها قليل من الماء

حتى ينضج صدور الفراخوبعدها نضيف الزبادي و الحمص

و نتركه ليستوي لمدة 5 دقائق

ثم نقدمه مع الأرز الأبيض

وبالهنا والشفاااااا

اعتقد أن دى طريقه بسيطه وسريعه التحضير

يارب تعجبكم

وأحب افكركم بمكتبه الفيديو

ح تلاقوا فيها أجمل الوصفات

من أشهر الشيفات

اقعدوا بالعافيه

أنشر الموضوع فى المفضلات الاجتماعية من هنا

البيتزا الايطاليه

البتيزا من الوجبات اللى بنحبها كلنا

وبتتفنن ست البيت فى عمايل البيتزا

 وليها طرق تحضير عديده جدا

لكن المره دى جبت ليكم البيتزا الايطاليه

ياريت تعجبكم

 

مقادير العجينه

 2 كوب دقيق

 ربع كوب زيت

 2 ملعقة طعام حليب بودره

 بيضة

 1 ملعقة صغيرة خميرة

نصف ملعقة صغيرة سكر وملح

 نصف كوب ماء أوحسب نظرتك للعجينه

لعمل الصلصه 

  1 بصلة متوسطة مفرومة ناعمة

 2 حبه طماطم + قليل من الزيت

 ملح + فلفل أسود + كمون

 للتزين

فلفل أخضر  + زيتون أخضر وأسود

 كوب جبن موزريلا

2 ملعقة طعام جبن سائل

 1 بيضة

الطريقة

نضع جميع مقادير العجينة فى اناء وتعجن  وتفرد

فى الصينيه وتترك لمده ساعه فى الصينيه للتخمير  

  لتحضير الصلصة

 نضع البصل على النار مع قليل من الزيت إلى أن يصبح لونها ذهبي

 تضاف الطماطم للبصل لغايه ما تتسبك

ثم نضيف الملح والكمون والفلفل الأسود

وقليل من الكاتشب

 توضع الصلصة على العجينة

تزين بالفلفل البارد والزيتون.

يخلط جبن موزريلا وجبن سائل والبيضة مع البعض وتوضع على البيتزا

توضع في الفرن إلى أن تنضج من أسفل فقط 

بالهنا والشفا

طبعا مش عايزين افكركم

بمكتبه الفيديو

اللى ح تلاقوا فيها

كل احتياجتكم من الوصفات

أنشر الموضوع فى المفضلات الاجتماعية من هنا

!!! هاتى ودنك هنااا

 

سالخيرررر 

تعالى هنا بسرعه وهاتى ودنك علشان محدش يسمعنااا

اصلى ح اقول نصيحه

والنصيحه دى احب اوجهها لكل الستات

وياريت تجيبى ودنك هناااا واسمعينى كويس

لانه أمر غايه فى الاهميه 

 

تعرفى إن شرب كوب من الماء قبل تناول الطعام

يحد من الشهية المفرطة

 وتعرفي كمان أنه من السهل أن يختلط الشعور بالجوع والشعور بالعطش 

علشان كده إشربي قبل كل وجبه كوبايه ميه

 فالميه بتساعدك على الشعور بالشبع و بالنحافة

احذرى ان تهملى فى  نفسك بما أنك تزوجتى 

 وافتكرى أن أول شيء يجذب الرجل انه يبص بره

هو المنظر الحسن

فكونى حسنه المنظر دائما

تجنبي ان يراك زوجك تزيلي شعر جسمك!

بعض الرجال يتغير و يتقزز كثيرا من رؤية زوجته

في هذا الوضع !

و ياريت تعملي كل امورك الخاصة بنظافتك

و هو خارج البيت .

  كمان  قمصان النوم الخاصة بكِ

لا تغسل في الغسالة بل تغسل في وعاء مملوء بالماء

 و مسحوق غسيل

و تغسليهم على ايديك الحلوين

و احذري الغساله نهائى لانها

 تؤدى لتخريب قمصان النوم في وقت قصير جداً

  

 

ويفضل ان تضعى تحت مخده نومك حبة نعناع او  لبان

واول ماتصحى من النوم ضعيها في فمك و امضغيها

علشان يكون لكِ نفس منعش و جميل

و دة مهم جداً

سواء في اول ايام الزفاف او بعد كده

و عودي زوجك على ان يشم منك هذة الرائحة الطيبه في كل صباح من غير ما تكسلى على تنظيف الاسنان بالفرشاة و المعجون

 علشان تحافظي على بياض اسنانك

و منع اصفرارها و تسوسها

 لان دة بينتج عنه رائحة كريهة

اذا زادت لا حينفع النعناع و لا غيره

مع تمنياتى لك ِ بحياه زوجيه سعيده

واقعدوا بالعافيه

 

اليكِ مكتبه الفيديو اللى بتقدملك

كل الوصفات اللى تحبها قلبك

 

أنشر الموضوع فى المفضلات الاجتماعية من هنا