السبت، نوفمبر 27، 2010

!!! هاتى ودنك هنااا

 
سالخيرررر 
تعالى هنا بسرعه وهاتى ودنك علشان محدش يسمعنااا
اصلى ح اقول نصيحه
والنصيحه دى احب اوجهها لكل الستات
وياريت تجيبى ودنك هناااا واسمعينى كويس
لانه أمر غايه فى الاهميه 
 
تعرفى إن شرب كوب من الماء قبل تناول الطعام
يحد من الشهية المفرطة
 وتعرفي كمان أنه من السهل أن يختلط الشعور بالجوع والشعور بالعطش 
علشان كده إشربي قبل كل وجبه كوبايه ميه
 فالميه بتساعدك على الشعور بالشبع و بالنحافة

احذرى ان تهملى فى  نفسك بما أنك تزوجتى 
 وافتكرى أن أول شيء يجذب الرجل انه يبص بره
هو المنظر الحسن
فكونى حسنه المنظر دائما


تجنبي ان يراك زوجك تزيلي شعر جسمك!
بعض الرجال يتغير و يتقزز كثيرا من رؤية زوجته
في هذا الوضع !
و ياريت تعملي كل امورك الخاصة بنظافتك
و هو خارج البيت .

  كمان  قمصان النوم الخاصة بكِ
لا تغسل في الغسالة بل تغسل في وعاء مملوء بالماء
 و مسحوق غسيل
و تغسليهم على ايديك الحلوين
و احذري الغساله نهائى لانها
 تؤدى لتخريب قمصان النوم في وقت قصير جداً
  
 

ويفضل ان تضعى تحت مخده نومك حبة نعناع او  لبان
واول ماتصحى من النوم ضعيها في فمك و امضغيها
علشان يكون لكِ نفس منعش و جميل
و دة مهم جداً
سواء في اول ايام الزفاف او بعد كده
و عودي زوجك على ان يشم منك هذة الرائحة الطيبه في كل صباح من غير ما تكسلى على تنظيف الاسنان بالفرشاة و المعجون
 علشان تحافظي على بياض اسنانك
و منع اصفرارها و تسوسها
 لان دة بينتج عنه رائحة كريهة
اذا زادت لا حينفع النعناع و لا غيره
مع تمنياتى لك ِ بحياه زوجيه سعيده
واقعدوا بالعافيه
 
اليكِ مكتبه الفيديو اللى بتقدملك
كل الوصفات اللى تحبها قلبك
 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، نوفمبر 20، 2010

الاسكااااالوب على طريقتى

حبايبى واصدقائى زوار ركن المرأه
كل سنه وأنتوا طيبين
أكلنا اللحمه لغايه ما حصلتلنا تخمه
وكفايه كده لحمه وننتقل إلى الدجاج
اللى هى الفراخ يعنى
ههههه
باقدملكم أسهل طريقه لعمل أسكالوب
ح تاكلوا صوابعكم وراهااااااا
يارب تعجبكم 
وبالهنااا والشفااا مقدما
أتمنى تجربوها وأكيد ح تدعولى


المقادير
دجاجه مقطعه على  8 اجزاء
وممكن أكثر حسب رغبتك
أو تستخدمى صدور الدجاج المخليه
 بصل + زعتر + كارى + خل + ليمون + كسبره ناشفه
كمون + فلفل أسود + ملح + بيضة
دقيق + بقسماط ناعم أو خشن
زيت للقلي
الطريقة
تغسل أجزاءالدجاجه جيدا بالماء ثم تتبل بالملح و الفلفل  والبصل و الخل والكارى والزعتر
والكمون والكسبره والليمون
وتترك فتره لا تقل عن ثلاث ساعات
حتى تتشرب الدجاجه من التتبيله
تكسر البيضة في صحن و تخفق جيدا 
 وفي صحن ثاني الدقيق و صحن ثالث البقسماط تغمس شرحات الدجاج في البيض ثم الدقيق  ثم البقسماط كل جزءو حدة
ويتم تسخين الزيت على النار و يتم القلي
حتى تصبح ذهبية اللون أو مائلة
إلى الاحمرار نصفيها من الزيت
و تقدم مع البطاطس المقلية
ملحوظه
بعد تسخين الزيت لازم تهدى النار علشان وانتِ  بتحمريها مش  تتحرق منك ولا الزيت كمان مش يتحرق

شوفتوا اذاى أنها طريقه سهله وحلوه والكل يقدر يعملها بنات واولاد جربوها وابقوا أدعوا لى
للاستفاده أكثر من الوصفات
طريقه عمل الخبيزه للشيف الشربينى
اقعدوا بالعافيه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، نوفمبر 14، 2010

خروف العيد



كل سنه وانتوا طيبين
كل عيد اضحى وانتوا بصحه وسعاده ونعيم
كل سنه وانا وانتوا بالحب متجمعين
العيد ده حاسه انه مختلف عن اى عيد اخر
حاسه  بفرحه كبيره ماليا قلبى
انا سعيده انى وسطيكم
وسعيده بقدوم العيد
وسعيده انى ح اقدملكم
خروف العيد المحشي بالرز واللحمة المفرومة والمكسرات

المقادير
 خروف متوسط الحجم أو صغير
2 كيلو من اللحم المفروم
 أرز
أربعه لتر ماء
مقدار كوب سمن
ملعقتان ملح
ربع كيلو لوز
ربع كيلو صنوبر
ربع كيلو كاجو
زبيب وبصل مقلي
كوب عصير ليمون (ملح وخل لدعك الخروف)
ملعقة طعام من مسحوق جوزة الطيب
50 جرام مزيج قرفة ورشة قرنفل
50 جرام مزيج الفلفل الأسود وبهار
50 جرام هيل مطحون
50 جرام زعفران
كمشة اوراق غار على عيدان قرفه على حبات مسمار
 وحبات هيل للرز نصها في الرز ونصها تحت الذبيحه في ما الجدر
 او منثوره عليه حبة واحدة من الليمون و الطماطم
وفلفل اخضر (للزينة)
ورق سوليفان

التحضير
بعد ذبح الخاروف وتفريغه، يغسل جيداً من الداخل والخارج يُرش بالملح والخل ويدعك كذلك الراس والكبده، ويترك قليلاً كي تزول الزفره ثم يغسل مرة ثانيةً، ثم يفرك بكوب الليمون و يوضع في الثلاجة
- يغلى اللوز ثم يقشر ويغسل ويصفّى
ينقّى كل من الصنوبر والكاجو، ويوضع كوب سمن في مقلاة ويقلى اللوز ثم الصنوبر ثم الكاجو والزبيب ونستمر فى التحريك على النار لمدة خمسة دقائق
 او اقل ويوضع كلا على حده.
يُتبل اللحم المفروم مع نصف مقادير الملح والبهار والفلفل الأسود والقرفة
والهال المطحون والزعفران ثم نضع السمن في وعاء على النار ونضيف ورقات غار و عيدان قرفة و حبات مسمار وحبات هيل للرز ، ويوضع في الوعاء
مضافا إليه السمن ويحرّك برفق على النار الى حين يحمر السمن وياخذ ريحة البهارات
نضيف اللحمه المفرومه ونقلبها برفق نقليها قلي ويكون الرز مغسول ومصفى
 و يضاف إلى اللحم المفروم المقلي ويضاف إلية الماء الى ما فوق الرز بمقدار 2 سم(ويكون الماء مغلي) ويحرّك برفق قبل تغطية الجدر
 وتترك على نار خفيفة مدة نصف ساعة او اقل سلق الرز نصف استواء
يُرفع الرز عن النار وتضاف إليه نصف المكسرات المقلية، ويحرّك برفق
ملاحظة
 يكون سلق الرز نصف استواء ونص الرز نحشي فيه الخروف ونص الثاني نتركه على نار خفيفه يكمل الاستواء للصينية.

المرحلة الثانية
تُخلط التوابل والملح، ثم يُرش الخروف بها من الداخل والخارج، ويفرك بها جيدا جيداً
يُحشى جوف الخروف المفرّغ بنصف كمية الأرز كذلك الكبد والراس و يكون داخل حشوه الرز في بطن الخروف
مع مراعاة حشو الخروف في كل زواياه
يخاط بطن الخروف ويكتّف ويربط كل ساق مع الأخرى حتى يتكور وينغلق، ويلفان بالسالوفان اوبخيط
تُوضع كمشة عيدان غار وعيدان قرفة و حبات مسمار وحبات هيل للرز نصها في الرز ونصها تحت في قعر الجدر اللي للشوي  ، ويضاف إليه كمية من الماء
يغطى الجدر بشكل محكم ، ويوضع على نار قوية ليغلي ثم تخفف النار حتى تصبح هادئة ويترك علي النار مدة 3 ساعات
بعد التأكد من استواء الخروف، يقلب على صينية ويوضع في فرن ساخن ليحمر قليلاً
يُرفع من الفرن ونكون غرفنا الرز في صينيه كبيره ويوضع الخروف المشوي فوق الرز ونُزيّن الصينية بباقي المكسرات و الزبيب والبصل المقلي و شرائح الطماطم والليمون والفلفل الاخضر  بصوره منسقه ،
ويمكننا أن نغطيه بخبز الرقاق اختياري ثم القصدير الالمنيوم
ويقدم للولائم وايام العيد

لمشاهده وصفات الشيف الشريبنى بانصحك بمشاهده
 مكتبه الفيديو

وكل عيد وانتوااا بخير
عيد أضحى مبارك

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، نوفمبر 10، 2010

شوربه خضار ايطاليه

الشوربه من الوجبات الخفيفه والمحببه جدا
 عند  الكثير
علشان كده بنهتم بها جدا فى اغلب اكلتنا
شوربتنا انهارده
شوربه خضار على الطريقه الايطاليه
لانها خفيفه وصحيه


كل ما عليكى تحضرى
1 ملعقة كبيرة زيت نباتي + نصف كوب بازيلاء
نصف كوب فاصوليا حمراء
نصف كوب لوبيا خضراء + نصف كوب كرافس مقطع مع ورقه
نصف كوب جزر مقطع
نصف كوب كوسة مقطعه + نصف كوب بصل مفروم
فص ثوم مهروس
كوب مكرونه حبات صغيرة + ملح فلفل اسود + 4 أكواب ماء
كيفيه الطبخ
اقلي الثوم والبصل والكرفس فى الزيت لمدة خمس دقائق.
أضيفي بقية المكونات ما عدا المكرونة
عند الغليان خففي النار واتركيه لمدة نصف ساعة حتى تنضج الخضار .
ضيفي المكرونة واتركيها علي النار لمدة 3 دقائق إضافية.
وبالهناااااااا

ونصيحه منى للاستفاده اكثر من وصفات الطبخ
مشاهده مكتبه الفيديو
ح تلاقى وصفات من اللى قلبك يحبها
ومن اشهر الشيفات

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، نوفمبر 07، 2010

لاخفاء عيوب العيون


غالبا ما تكون الضحية الأولى والواضحة للسهر أو الأرق والإرهاق وضغوط الحياة، منطقة العينين، فتصاب إما باحمرار أو تظهر حول تجويفها هالات سوداء، يصعب إخفاؤها إلا بكميات كبيرة من خافي العيوب.
وحتى هذا فإنه لا يستطيع ان يقوم بهذه المهمة على أحسن وجه في الحالات الصعبة، فيتحول إلى رمادي عوض ان يمتزج بالبشرة ويضفي عليها الإشراق والنضارة.
البعض يلقي باللوم في ذلك على الصفات الوراثية، أو إلى الصبغات الناجمة عن قضاء وقت طويل تحت أشعة الشمس من دون وقاية، فيما يقول البعض الآخر ان السبب يعود إلى أوعية الدم الغامقة، وإلى أن الجلد تحت العين يكون رقيقا جدا مما يؤدي إلى ظهور الهالات السوداء بكثافة أكثر.
فعندما لا تحصل الاوعية الدموية على ما يكفي من الأوكسجين، فإن الدم المتدفق فيها يحتوي على كمية أقل من الاوكسجين، مما يجعلها تبدو قاتمة، كما أن الاشخاص الذين يجلسون فترة طويلة أمام الكومبيوتر من دون التعرض لاي هواء منعش غالبا ما تقل لديهم كمية الاوكسجين.
وهنا يكون الحل، او على الاقل التخفيف من آثارها، الابتعاد عن كل ما يسبب الضغط النفسي، مع تغيير نمط الحياة باتباع نظام غذائي صحي وممارسة التمرينات الرياضية بانتظام.
وينصح ايضا بتناول نسبة كافية من الحديد، لان الهيموغلوبين الذي يحتوي على الحديد ينقل الأوكسجين إلى الدم، إلى جانب تناول كميات كافية من السوائل تتراوح ما بين لتر إلى لترين يوميا.
لكن حتى في حال لم تكن المرأة تعاني من هذه المشكلة في الصغر، فإنها مع التقدم في السن، تجد نفسها تحتاج إلى حلول يومية، وإن كانت مؤقتة، لتخفي بها هذه الهالات التي لا تضفي عليها أي جمال.
وهنا يأتي دور خافي العيوب. لكن يجب اختياره بدرجة واحدة أو درجتين أخف من لون البشرة حتى يبدو طبيعيا، كما يفضل ان تكون أساساته مناسبة للبشرة، وهنا يجب تجربة انواع مختلفة.
الطريقة تبدأ بوضعه على الجفنين، تحت العينين، وفوقهما بواسطة اصبعك، ثم وزعيه بخفة إلى أعلى والجوانب.
إذا احتجت إلى تغطية اكبر ما عليك إلا ان تضيفي طبقة أخرى،

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، نوفمبر 03، 2010

وصفه جديده للمكرونه

 لكل ست بيت اختراعتها فى الاكل
 مش شرط ابدا ناخد المكونات مقياس ممن تضيفى او تزيلى
اى من المكونات براحتك
واكيد ح يطلع شئ مختلف وجميل
 وكلنا من ستات البيوت بنحب ننوع ونغير فى وجباتنا
على راى المثل ( ليث يطلع كويس )
ههههههههه
طريقه جديده وسهله ومش تاخد وقت فى  اعداها
زمن  اعداها 15 دقيقه فقط
تقدرى تحضرى وجبه سريعه لاسرتك
فى وقت قليل
وده يساعد المراه العامله جداً
بسهوله تقدرى  تحضرى  وجبتك بعد يوم شاق ومتعب فى العمل
انهارده بقدم مكرونه بالجبنه والزيتون
ياريت تعجبكم


مكوناتى ح تكون
1/4 كوب زيت زيتون
4 ملاعق كبيرة عصير ليمون
فصين ثوم
1/2 كوب جبنة رومي  
1/2 كوب أوراق ريحان مفرومة
1 كيس مكرونة " أي نوع " شرائح فلفل أخضر 
 زيتون حلقات اسود و اخضر 
تحضيرها بقى
اسلقي المكرونة كويس وصفيها
ضعي الزيتون وزيت الزيتون وعصير الليمون والثوم عليها واخلطيها
ثم ضيفي لها الجبنة والريحان والفلفل الاخضر واخلطيها
وتقدم ساخنة .
ويمكنكِ ان تضعى القليل من صلصة المايونيز او الكاتشاب أو صلصة الطماطم 
وبالهناااااااااااا
اسرع من كده ما فيش
مش كده ولا ايه ؟؟

وكمان مكتبه الفيديو بتقدملك وصفات من اشهر الشيفات
ابقوا زرونا تجدوا ما يسركم
اقعدوا بالعافيه

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، نوفمبر 01، 2010

دلع .. دلع

اجمل الموديلات لاجمل فتاه
وكلووا يدلع نفسه

 


مش عايزه يكووووون فى نفسكوا حاجه
انا بدلعكم أهووووووو

ياترى اكتر موديل عجبك أيه ؟
من وجهه نظرى بصراحه كلهم حلوين
بس انا عجبنى قووووى
الاسودالمنقط
ابو قيونكه حمرا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009