الخميس، سبتمبر 30، 2010

حاجات لازم تخلى بالك منها لانها مهمه جدا



الخطأ الأول في طهي الطعام

من الخطأ استخدام كمية كبيرة من الماء في عملية سلق الخضراوات لأنها تفقد فيتاميناتها في الماء .. ولذا يجب استعمال أقل كمية ممكنة من الماء .

الخطأ الثاني في طهي الطعام

من الخطأ تقطيع الخضراوات قطعًا صغيرة قبل طهيها بمدة .. لأنها تفقد بهذا جزءاً من الفيتامينات وعصارتها أثناء الطهي.. ولذا يجب أن تقطع قطعًا كبيرة وقبل الطهي مباشرة .

الخطأ الثالث في طهي الطعام

من الخطأ نقع الخضراوات والفاكهة في الماء لمدة طويلة ، لأن هذا يساعد في تحلل بعض الفيتامينات وفقدها
 في الماء .

الخطأ الرابع في طهي الطعام

من الخطأ غلي الخضراوات في الماء لمدة طويلة .. فالغلي لمدة طويلة يفقد الخضراوات كثيرًا من قيمتها الغذائية ، وللتغلب على هذا تضاف الخضراوات للماء المغلي .. أو تستخدم حلة البخار فتحقق السرعة وتحافظ على القيمة الغذائية.

الخطأ الخامس في طهي الطعام

من الخطأ طبخ الخضار واللحوم معًا وتركهما على النار لمدة طويلة
 ويفضل أن يُطهى الخضار أولاً ثم يضاف له اللحم المسلوق بعد ذلك .

الخطأ السادس في طهي الطعام

من الخطأ وضع اللحوم المجمدة أو الخضار المجمد مباشرة إلى الماء المغلي
 بل تترك لإذابة ثلجها ببطء في رف الثلاجة ثم توضع بعد ذلك في الماء المغلي .. فهذا يحافظ على قيمتها الغذائية.

الخطأ السابع في طهي الطعام

من الخطأ تتبيل اللحوم بالملح والبهارات
قبل شيها
لأن هذا يُفقِدُ اللحوم كمية كبيرة من الحديد
 ومن الأفضل أن يشوى اللحم ثم يضاف له الملح بعد ذلك.

الخطأ الثامن في طهي الطعام

من الخطأ استخدام زيت القلي في زيت التحمير لمرات عديدة ، فإن الزيت المغلي لأكثر من مرة قد يسبب أضرارًا صحية كثيرة 
 ولذا يفضل استخدام زيت القلي النباتي الذي يتحمل درجات حرارة عالية مثل زيت الذرة
ودوار الشمس والنخيل على ألا تزيد مرات الغلى
على 10 مرات في عملية الطهى الواحدة .

الخطأ التاسع في طهي الطعام

من الخطأ طهي البطاطس والبطاطا والجزر وباقى النباتات ذات الجذور بعد تقشيرها .. والأفضل أن يتم طهيها بقشرها ثم نزع القشرة بعد الطهى حتى تحافظ على كامل قيمتها الغذائية .

الخطأ العاشر في طهي الطعام

من الخطأ غلي الشاي أكثر من مرة أو لمدة طويلة ، فهذا يفقده بعض فوائده ويزيد من أضراره 
 بل يجب غلي الماء أولاً ثم يُضاف إليه كمية معتدلة
من الشاي مع تناوله معتدل الحرارة


اتمنى تكونوا استفادتم من المعلومات

والنصايح دى

اما بالنسبه لطريقه

عمل شركسيه الدجاج للشيف يسرى




أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، سبتمبر 26، 2010

كفته صدور الدجاج بالبطاطس

الاطفال بتحب التغيير

علشان كده تملى أحب أغير واجيبلكم

أكلات خفيفه علشان أطفالك

يارب تعجبكم

معايا كفته صدور الدجاج بالبطاطس

    المقادير 
  صدور دجاج
+
كزبرة مفرومة ناعم
+
 بقدونس مفروم ناعم
+
 ثوم مفروم ناعم
+
 بهارات
+
 فلفل أسود وملح
+
 2 بطاطس مهروسة
+
 1 بيض + دقيق وبقسماط + زيت

الطريقة
  نسلق صدور الدجاج ونقطعها قطع صغيرة
و نضعها في الخلاط أو في المفرمة نضع على الدجاج
باقي المقادير
ونخلطهم جيداً في الخلاط ثم نخلطهم مع البطاطس المهروسة نأخذ قطع من الخليط ونشكلها على هيئة دائرة أو أصابع
حسب رغبتك
 و نضع الأقراص في البيض المخفوق
ثم الدقيق والبقسماط  
نضعها لمدة نصف ساعة في الفريزر 
 بعد أن نخرجها نقليها في الزيت الغزير إلى أن تحمر
 ونقدمها ساخنة

وبالهنااااااااااااااااااااا


ح تلاقوا كل اللى محتاجاه وبتدورى عليه



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، سبتمبر 23، 2010

كبده اسكندرانى طريقه خاصه جداً




اصدقائى وحبايبى متابعى ركن المرأه معايا النهارده كبده اسكندرانى ذى تيك أوى الكمية اللى حنعملها تكفي 3 اشخاص وتتحضر في 30 دقيقة فقط

مكوناتها

4/1 ك كبدة مقطعة طوليا رفيع و منزوعة القشرة( الجلدة اللي بتغطي الكبدة)
 بصلة كبيرة و واحدة نصف حجمها مقطعة
انصاف حلقات رفيعة
فص توم كبير
من 3 الى 4 حبات فلفل الخضر بارد
 مقطعة رفيع طوليا
معلقة صغيرة مستردة
كيس كاتشاب
و 2/1 معلقة صغيرة هوت صوص
حبة طماطم متوسطة مقطعة شرائح رفيعة
معلقة سمن ملح فلفل كمون

طريقة اللى تنفيذها

نسخن السمن على النار و نضيف الكبدة المقطعة مع قليل من الملح و الفلفل و رشة بسيطة من الكمون المطحون
وتقلبى بالضبط تقلبتين و صفي الكبدة من السمن
في طبق خارجي( تكون الكبدة لونها بقى بني فاتح)

في نفس الطاسةاللي فيها السمن نزلي البصل
و يشوح شوية لحد ما يكون شبه شفاف
و اضيفي الفلفل الاخضر و قلبيه تاني
شوية كدة لما يطرى الفلفل على النار
ارجعي حطي تاني الكبدة معاهم و اضيفي المستردة
و الكاتشاب والهوت صوص
و اكملي التتبيل بالملح و الفلفل
تضاف الطماطم قرب انتهاء النضج و تقلب تقليبتين قبل التقديم مباشرة
تقدم في ساندوتشات عيش بلدي أو فينو
تقدم جنبها سلطة الطحينة

حاجه كده على جنب

بلاش تتعمل و تسيبيها و ان كنت جهزتيها بدرى شويه عن ميعاد التقديم قبل السوا و قبل اضافة الطماطم اطفي عليها النار
 و قبل التقديم على طول يادوب تسخن و تضيفي الطماطم و تقلبتين و قدميها على طول
اذا حسيتي ان السمنة قليلة لما حطيتي البصلة ممكن تزوديها بشوية زيت ذرة
اذا ماكانش متوفر المستردة ممكن بدالهم ملعقتين خل ابيض و ملعقة كبيرة سكر
لو بتحبى الاكل مشطشط اكيد في ناس بتحبه كدة ممكن تضيفى قرن فلفل حامي سواء صحيح او مقطع
او تضيف شطة حسب رغبتك
 بالهناء والشفاء

ومتنسيش قبل ما تقومى وتقفلى الصفحه

ح تلاقى حاجات كتيره جميله ومفيده





أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الاثنين، سبتمبر 20، 2010

فائده الفلفل الحار



أظهرت الأبحاث الحديثة أن الفلفل الحار يحتوي على عدد من العناصر والمركبات تفيد بصورة كبيرة مرضى ضغط الدم المرتفع، وتسهم بشكل فعال في هبوطه.

وتوضح الدراسة إحتواء الفلفل الحار على مركب يعرف باسم "كابساسين" الذي يعطي المذاق الحار في الفم عند تناوله يعمل على ارتخاء الأوعية الدموية، وبالتالي انخفاض مستوى ضغط الدم المرتفع.

وأكد الباحثون أنهم توصلوا إلى أن تناول الفلفل الحار على المدى الطويل قد يسهم في خفض ضغط الدم المرتفع، خاصةً بين فئران التجارب التي خضعت لتناول كميات وفيرة من الفلفل الحار.

ويرى الباحثون أن فاعلية والتأثير الإيجابي لتناول الفلفل الحار يعتمد على تفعيل نشاط عدد من المستقبلات العصبية التي توجد على جدار الأوعية الدموية لتزيد من إفراز أكسيد النيتريك المعروف بخواصه في حماية الأوعية الدموية من الالتهابات أوعدم العمل بفاعلية.

وتعد هذه الدراسة الأولى من نوعها التي تكشف النقاب عن وجود علاقة بين تناول الفلفل الحار وزيادة فرص خفض ضغط الدم المرتفع


@@@@@@@@@@@@

دعوه لزياره مكتبه الفيديو

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، سبتمبر 15، 2010

كيكه الشيكولاته بالبندق

الكيك ...والشيكولاته ... والبندق
 من اكثر الاشياء المحببه
 لدى اطفالنا
لما نلم شملهم مع بعض ونعمل اجمل كيكه يحبوها اطفالنا
اكيد ح نبقى مبسوطين لسعاده اولادنا
الكيكه دى بقدمها هديه لاجمل بنوته عندى حبيبه
 قلبى دودو
اكيد ح تعجبها وتاكل صوابعها وراها
وانتوا كمان
اطفالكوا ح يفرحوا بيها 
كيكه الشيكولاته بالبندق



نحضر مع بعض
2 أكواب أو 250 غرام من رقائق مويسلي
+ 1 علبة أو 397 غرام من الحليب نستله المكثف المحلى
+ نصف كوب أو 125 ملى من الماء
+ 2 ملاعق طعام من الزبدة غيرالمملح سايحه
+ 2 بيضه
+1 ملعقة صغيرة من الفانيلا
للتزيين
 ربع كوب أو 50 غرام من الزبدة غير المملحةالطريّة
+ 1 علبة أو 170 غ من قشطة نستله
+ 1 كوب أو 200 غرام من معجون
الشوكولاتة بالبندق
طريقة تحضيرها بقى
يُدهن قالب الفرن المستطيل والمسطّح
 بالزيت أو الزبدة ويوضع ورق الخبز في قاعدة القالب مع تمديده على الجهتين
تُمزج رقائق مويسلي مع حليب نستله المكثّف المحلّى والماء والزبدة المذوّبة والبيض والفانيلا
 في وعاء للخلط
وتُخلط جيّداً حتى تمتزج ببعضها.
يُسكب المزيج في قالب الخبز المجهّز ويُخبز
 في فرنٍ محمّى على حرارة 170 درجة مئوية لمدّة 20 دقيقة أو إلى أن يشتد ويُترك جانباً ليبرد
للتزيين
 تُمزج الزبدة مع قشطة نستله ومعجون الشوكولاتة بالبندق في قدرٍ متوسط
 ويوضع المزيج على نارٍ متوسطةٍ مع التحريك المستمر لبعض الوقت
أو إلى أن يصبح المزيج سلساً ومتجانساً
(من دون الإفراط في تسخينه).
يُسكب مزيج قشطة نستله فوق المزيج المبرّد
يوضع المزيج في الثلاجه إلى أن يجمد
 ثم يُقطّع إلى شرائح
وبالهنااااا

لو عايزه وصفات واكلات فانا انصحك
اكيد ح تستفيدى منها كتير
اقعدوا بالعافيه
بس خلاص


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الثلاثاء، سبتمبر 14، 2010

صدور الدجاج المحشيه

كل سنه وانتم طيبين
خلاص العيد خلص وأكلنا الكحك وحلويات العيد وفرحنا
ونفخنا البلالين ولعبنا بالديناميت
وركبنا المراجيح
ايه .. بتقولوا هو احنا عيال
طبعا يا حبايبى عيال طول ما القلب طيب ومحب نفضل ذى الاطفال
كل لحظه وانت بخير وسعاده
انهارده رجعت ومعايا وجبه شهيه جدا وطريقتها سهله للغايه
يالا مستعدين ندخل مطبخنا ونجهز اجمل الاكلات
نبدأ باسم الله
وصفتى انهارده صدور الدجاج محشى بالارز


المقادير 
6 صدور دجاج  + 250 جم من البصل  + 250 جم من الجزر
250 جم من البقدونس  + 300 جم من البهارات العربية المشكلة
1 كيلو من الأرز الأسمر +  بازلاء
30 مل من الزيت
خليط مكون من 2 كبايه من الماء و 2 كوب من مرق الدجاج
الملح والفلفل الأسود

طريقه العمل 
ضعي المقلاة على النار وأضيفي زيت الزيتون
 واقلي البصل حتى يصبح لونه ذهبياً وأضيفي الأرز والبهارات المشكلة
 واقلي على نار هادئة لمدة 10 دقائق
 واستمري بالتحريك  ثم أضيفي الجزر والبازلاء على الأرز ومرق الدجاج
 وأضيفي الملح والفلفل الأسود 
  وغطي الخليط واتركيه لمدة 15 دقيقة
احضري صدر الدجاجة العريض وضعي الخلطة بداخله ، ثم لفي الصدر وأغلقيه بإحكام ويمكنك استخدام الأعواد الخشبية الصغيرة في إغلاقها
رصي الصدور في صينية بها القليل من الزيت
واتركيها في الفرن إلى أن تنضج ثم ارفعيها على الشواية
وقلبيها على الاتجاهين  وقطعيها حلقات بالسكين 
 وتقدم ساخنة

وبالهناااااااااااااااااااااااااااااااااااااا

شوفتى اذاى انها طريقه سهل

ولو عايزه مزيد من الوصفات فانصحك بمشاهده



أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الثلاثاء، سبتمبر 07، 2010

حلويات العيد

كل يوم وانتم طيبين
كل لحظه ومصر كلها بخير
اليوم ح اقدم حلويات العيد  كحك ، لانكشير ، غريبه ، بسكويت النشادر ، شكلمه اللوز ،
 اصابع البتى فور
نشوف الاول طريقه عمل
الكحك
كحك العيد بالبيكنج بودر
المقادير‏
‏ 3 كوب دقيق منخول‏ - كوب سمن سايح
‏ كوبايه الاربع ماء او لبن دافىء
1‏ ملعقة صغيرة بيكنج بودر‏
ذرة ملح
نص‏ ملعقة صغيرة رائحة كعك
‏ملعقة كبيرة سمسم
الطريقة‏
نحضر الدقيق ويضاف إليه ذرة الملح والسمسم وريحة الكحك
والبيكنج بودر
يقدح السمن ويضاف إلى الدقيق ويدعك جيدا حتى يختلط السمن
مع الدقيق تماماً.
نضع الماء الدافئ او اللبن وتضاف إلى العجين
و تعجن حتى تكور العجينة وتصبح صالحة للنقش
تشكل على هيئه كور صغيرة ونضغط عليها قليلا
لتصبح دائرة صغيرة مرتفعة قليلا من الوسط وتنقش
او توضع فى قالب المخصص لأشكال الكحك وتوضع
فى صوانى الخبز.
ثم تخبز فى فرن متوسط الحرارة
وتترك حتى تبرد تماما ويرش عليها السكر البودرة

@@@@@
  لانكشير
2 معلقة كبيرة دقيق
2 معلقة كبيرة كورن فلور (نشا)
ربع ملعقه صغيرة بيكنج بودر
ملعقة صغيرة فانيليا
2 ملعقة كبيرة زبد
2 ملعقة كبيرة سكر ناعم
بيضة واحدة- فانيليا
للتجميل 
 مربى – شيكولاتة فرمسيل – مكسرات محمصة مفرية
جوز هند ناعم – نقط الوان طعام صحية
الطريقة
ندعك السمن جيدا ثم نضيف له السكر وندعك كويس
ثم نضرب البيض ونضع علية الفانيليا
ننخل الدقيق والخميرة ونضع علية الكورن فلور ونقلبهم كويس
نضع البيض على السكر والسمنة ونخلط كويس
نضع الدقيق مع التقليب حتى تتكون عجينة متوسطة يسهل تشكيلها
نعمل العجينة كور صغيرة قد البندقة
نرصصهم فى صينية مدهونة ونترك بينهم مسافات
فى فرن متوسط الحرارة لحد ما تستوى
ونتركها تبرد ثم نلزق كل كورتين بالمربى
ونجمل الاجناب داير ما يدور بالشيكولاتة الفارمسيل او المكسرات
او نضع لون احمر على شوية جوز هند فحيحمر ونزوق بة الاجناب
او نضع لون اخضر على شوية جوز هند ونزوق بة الاجناب
ملحوظة
 ممكن نقسم العجينة لجزءين او ثلاثة ونضع على كل جزء نقطة
واحدة من اى لون من الالوان الصحية ونضع على الجزء التانى
نقطة من اى لون تانى وهكذا وبعدين نشكل كور من كل لون
ونلزق كرة باللون الاحمر مثلا مع كرة باللون الازرق
او كرة باللون الاخضر مع كرة باللون الاصفر
وفى النهاية حتحصلى على لانكشير ملون مميز

@@@@@

الغريبة
كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر
الطريقة
نضرب السمن الاول لوحدة
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية
على الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة
اما قرنفلة تنغزيها فى العجينة مش حيبقى باين منها الا الوردة
اللى فوق – او نص فستقة – او نص لوزة مقشرة –
او ملبسة فضى اللى بتبقى مدورة زى الكرة و ناشفة و لونها فضى
او واحدة صنوبر
نرصص الغريبة فى الصوانى و ندخلها الفرن و خلى بالك
ان لونها مش حيتغير انتى ابقى بصى عليها من تحت
حتلاقيها لونها اغمق شوية و مسك نفسة كدة خلاص تخرجيها من الفرن
ملحوظة
بمجرد ما تطلع الغريبة من الفرن وهى سخنة تكونى مجهزة سكر بودرة
فى مصفاة صغيرة و تروحى رشة عليها مباشرة السكر البودرة وهى سخنة
فى الصينية و بالهنا و الشفا
ملحوظة
 معظم الناس بتعمل الغريبة ببياض البيض فقط من غير الصفار لكن انا
بعملها بالبيضة كاملة و التجربة خير برهان

@@@@@
  بسكويت النوشادر
1 كيلو دقيق
1/3 كيلو سكر
ربع كيلو سمنه
10ييضات
معلقة فانيليا
1 ملعقه كبيره نوشادر
ملعقة بيكنج بودر
كوب حليب
الطريقه
نضرب البيض جيدا لحد ما يتخن
ندوب النشادر و البيكنج بودر فى الحليب
ثم نضعهم على البيض المضروب
نضع الدقيق على الخليط مع العجن حتى تتكون عجينة صالحة للفرد
نشكل العجينة بالمفرمة بالوش الخاص بالبسكويت على شكل اصابع
يدهن الوجة بالبيض وتخبز فى فرن متوسط الحرارة

@@@@@

  شكلمة اللوز
ثمن كيلو لوز مقشر
ثمن كيلو سكر بودرة
بياض 4 بيضات
كيس فانيليا
لوز مقشر او فواكة مجففة
الطريقة
يقشر اللوز ويفرم
نضيف له السكر وبياض البيض شوية شوية
لحد ما تتكون عجينة طرية
ثم نضع الفانيليا
نبطن صاج الفرن بورقة زبد مدهونة بالزبد ومرشوشة بالدقيق
نضع العجينة فى الكيس بالقمع ونشكلها ونضع فى كل واحدة
كريز مسكر او لوز تخبز فى فرن هادىء
فور خروجها من الفرن نلمعه بقليل من اللبن المحلى بالسكر

@@@@@

  أصابع البتى فور
2 كوب دقيق - كوب سكر
أصبع زبده 113ج
نص ملعقة صغيرة بيكنج بودر
بيضتان - ملعقتان شوكولاتة بودرة
مربى – فستق مطحون للزينة
الطريقة
ينخل الدقيق والبيكنج بودر
يخفق السكر والزبده حتى يصبح مثل الكريمة
يضاف البيض للخليط السابق ويخلط
تضع المقادير الجافة وتعجن
وتقسم العجينة إلى قسمين
ثم تضع على قسم الشوكولاته والقسم الآخر سادة
تشكل بماكينة البسكويت او بالقمع على هيئة أصابع
وتخبز فى فرن هادى حتى تحمر من الأسفل
بعد أن تبرد الأصابع يؤخذ أصبع سادة
ويدهن بالمربى ويلصق فيه أصبع الشوكولاته
ويضع على الأطراف الفستق المفروم


وكل سنه وانتم طيبين


۩˙·٠• ۩˙·٠• رمضان كريم •٠·˙۩ •٠·˙۩




أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، سبتمبر 03، 2010

۩ وجبتك فى اليوم الرابع والعشرون من شهر رمضان ۩

۩˙·٠• ۩ بدرى بدرى بدرى ۩˙·٠• ۩
الايام بتجرى والله لسه بدرى يا شهر الصيام
يااااااااااه حالا كده الايام بتجرى وقرب الشهر الكريم على الانتهاء
كل يوم وانتم بخير
ده اول رمضان ليا معاكوا ربنا يعيد الايام بخير ونتقابل فى رمضان جديد
باذنك يارب

قبل ما ابدا اعرض وجبتنا انهارده احب اناشد احبائى
لكل من يرغب فى عمل الخير هناك كثيرين وكثيرين فى احتياج ليد المساعده
تعاطفك وحده مش كفايه
ياريت نقدر نساهم حتى باقل القليل وربنا بيبارك فى هذا القليل
تعالوا نشوف ابراهيم عيسى بيقولنا ايه من خلال برنامج حاجه تفطر
يمكن ده صوت ربنا بيوصلوا لينا انهارده

نشوف بقى وجبتنا
انهارده ح اقدم عصير لذيذ جدا
عصير الأفوكادو

محتاجين لتحضيره
حبه أفوكادو لينة + سكر + ملعقة كبيرة حليب بودرة
ماء حسب الرغبة + ملعقه صغيرة عصير توت
طريقتها بقى
نضرب جميع المقادير السابقه فى الخلاط
ضعي الخليط في كأس ضيفي عليه ملعقة عصير التوت أو عصير أخر
ويقدم مثلجاً

۩˙·٠• ۩˙·٠• رمضان كريم •٠·˙۩ •٠·˙۩


الطبق الرئيسى
لحم الاستيك مشوى فى الفرن
المقادير
كيلو ونصف لحم قطعه واحدة + 4 حبات طماطم + 2 حبه فلفل
6 حبات بطاطس + 6 حبات بصل
4 ملاعق كبيره صلصه الصويا العاديه + نصف كوب ليمون
بهارات لحم + ملح + فلفل
الطريقه
نقطع اللحم الى ترنشات سمكها تقريبا 1.5 سم
نقطع البصل حلقات رفيعه ونضع جميع البهارات على البصل
وبعدين نتبل اللحم بالبصل
نقطع الطماطم والبطاطس والفلفل ترنشات
وبعدين نرص شرائح الطماطم فى الصينيه لغايه ما نغطى قاع الصينيه
ثم نرص اللحم المتبل بالبصل ونضع البصل كله
فوق اللحم ونخلط صلصه الصويا باليمون
كويس ثم نضيفها على اللحم يالتساوى
ونضع باقى الخضار البطاطس والفلفل ونرش رشه ملح خفيفه
على الوش وتغطى الصينيه بورق الفويل ثم نضعها فى الفرن مدة ساعه
من ساعه الى ساعه ونصف تقريبا
جربيها مش ح تندمى
وبالهنا والشفا



۩˙·٠• ۩˙·٠• رمضان كريم •٠·˙۩ •٠·˙۩

أما الحلو للحلو
فحيكون طريقه عمل الهريسة

المقادير
4 أكواب سميد + 2 كوب سكر + ربع كيلو لبن (حليب طازج )
2 بيض + ملعقة فانيليا + ملعقة بكينج بودر
2 ملعقة ليمون مبشور + شربات
طريقة التحضير
نضع السميد ومعه السكر ونخلطهم جيدا ثم نضيف إليهم اللبن والفانيليا والبكينج بودر والبيض ونخفقهم جيداً إلى أن يصبح المزيج سميك قليلاً ومتجانس
ثم نضيف الليمون المبشور إلى المزيج ونحركه معه ثم نتركه مغطّى لمدة 3 ساعات إلى أن يتخمر ، ثم نضعه في صينية الفرن بعد دهنها بالسمن جيداً من جميع أطرافها
ونسخن الفرن على حرارة متوسطة ونضعها فيه لمدة لا تقل عن 25 دقيقة
نخرجها من الفرن عند تمام النضج ونسكب فوقها الشربات
وتزين وتقدم
وبالهنااااااااااااااااااااااااا

لمزيد من الوصفات تلاقيها فى مكتبه الفيديو
ح تشاهدى الوصفه خطوه بخطوه




۩˙·٠• ۩˙·٠• رمضان كريم •٠·˙۩ •٠·˙۩

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009