الخميس، سبتمبر 23، 2010

كبده اسكندرانى طريقه خاصه جداً




اصدقائى وحبايبى متابعى ركن المرأه معايا النهارده كبده اسكندرانى ذى تيك أوى الكمية اللى حنعملها تكفي 3 اشخاص وتتحضر في 30 دقيقة فقط

مكوناتها

4/1 ك كبدة مقطعة طوليا رفيع و منزوعة القشرة( الجلدة اللي بتغطي الكبدة)
 بصلة كبيرة و واحدة نصف حجمها مقطعة
انصاف حلقات رفيعة
فص توم كبير
من 3 الى 4 حبات فلفل الخضر بارد
 مقطعة رفيع طوليا
معلقة صغيرة مستردة
كيس كاتشاب
و 2/1 معلقة صغيرة هوت صوص
حبة طماطم متوسطة مقطعة شرائح رفيعة
معلقة سمن ملح فلفل كمون

طريقة اللى تنفيذها

نسخن السمن على النار و نضيف الكبدة المقطعة مع قليل من الملح و الفلفل و رشة بسيطة من الكمون المطحون
وتقلبى بالضبط تقلبتين و صفي الكبدة من السمن
في طبق خارجي( تكون الكبدة لونها بقى بني فاتح)

في نفس الطاسةاللي فيها السمن نزلي البصل
و يشوح شوية لحد ما يكون شبه شفاف
و اضيفي الفلفل الاخضر و قلبيه تاني
شوية كدة لما يطرى الفلفل على النار
ارجعي حطي تاني الكبدة معاهم و اضيفي المستردة
و الكاتشاب والهوت صوص
و اكملي التتبيل بالملح و الفلفل
تضاف الطماطم قرب انتهاء النضج و تقلب تقليبتين قبل التقديم مباشرة
تقدم في ساندوتشات عيش بلدي أو فينو
تقدم جنبها سلطة الطحينة

حاجه كده على جنب

بلاش تتعمل و تسيبيها و ان كنت جهزتيها بدرى شويه عن ميعاد التقديم قبل السوا و قبل اضافة الطماطم اطفي عليها النار
 و قبل التقديم على طول يادوب تسخن و تضيفي الطماطم و تقلبتين و قدميها على طول
اذا حسيتي ان السمنة قليلة لما حطيتي البصلة ممكن تزوديها بشوية زيت ذرة
اذا ماكانش متوفر المستردة ممكن بدالهم ملعقتين خل ابيض و ملعقة كبيرة سكر
لو بتحبى الاكل مشطشط اكيد في ناس بتحبه كدة ممكن تضيفى قرن فلفل حامي سواء صحيح او مقطع
او تضيف شطة حسب رغبتك
 بالهناء والشفاء

ومتنسيش قبل ما تقومى وتقفلى الصفحه

ح تلاقى حاجات كتيره جميله ومفيده





أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

6 التعليقات:

Rayk Cool يقول...

ياااااااااا جيتي على الجرح انتي
انا بمووووووووووت في الكبدة الاسكندراني
ابقي ابعتيلي رغيف و النبي ^^

الحب الجميل يقول...

تسلم ايدك يا مرمورة
بازيت الذرة بس هتكون اظرف واخف
ونكتر التوم شووووى
ياستى انا صايمه
جوعتيننننى

Dr/ walaa salah يقول...

جوعتيني يا مرموره وانا صايمه

اكلك روووعه اوي يا حبيبتي واضح انك ما شاء الله ست بيت ممتازه


تسلم ايدك يا قمر

شهرزاد يقول...

تسلم ايديك ويسلم اختيارك
انا اشتقت اليك يا مرمورتي

السُـلطانة يقول...

السلام عليكم ورحمة الله وبركاته ..

فعلا طريقة مختلفة ومن اسمها اسكدراني .. فأنا أعشق الإسكندرية ولي ذكريات جميلة فيها .. سأجربها .. تسلم إيديك.

المجهول يقول...

تسلم إيديك عزيزتي .. فهذه من الأكلات السهلة جدا بالنسبة لنا ولا تأخذ وقت كبير في إعدادها .. ولكن سأجربها بهذه الخلطة لأنه أعجبني اسمها كثيرا.. تحية لك وتقبلي مروري

template by Osama hosny 2009