الثلاثاء، سبتمبر 07، 2010

حلويات العيد

كل يوم وانتم طيبين
كل لحظه ومصر كلها بخير
اليوم ح اقدم حلويات العيد  كحك ، لانكشير ، غريبه ، بسكويت النشادر ، شكلمه اللوز ،
 اصابع البتى فور
نشوف الاول طريقه عمل
الكحك
كحك العيد بالبيكنج بودر
المقادير‏
‏ 3 كوب دقيق منخول‏ - كوب سمن سايح
‏ كوبايه الاربع ماء او لبن دافىء
1‏ ملعقة صغيرة بيكنج بودر‏
ذرة ملح
نص‏ ملعقة صغيرة رائحة كعك
‏ملعقة كبيرة سمسم
الطريقة‏
نحضر الدقيق ويضاف إليه ذرة الملح والسمسم وريحة الكحك
والبيكنج بودر
يقدح السمن ويضاف إلى الدقيق ويدعك جيدا حتى يختلط السمن
مع الدقيق تماماً.
نضع الماء الدافئ او اللبن وتضاف إلى العجين
و تعجن حتى تكور العجينة وتصبح صالحة للنقش
تشكل على هيئه كور صغيرة ونضغط عليها قليلا
لتصبح دائرة صغيرة مرتفعة قليلا من الوسط وتنقش
او توضع فى قالب المخصص لأشكال الكحك وتوضع
فى صوانى الخبز.
ثم تخبز فى فرن متوسط الحرارة
وتترك حتى تبرد تماما ويرش عليها السكر البودرة

@@@@@
  لانكشير
2 معلقة كبيرة دقيق
2 معلقة كبيرة كورن فلور (نشا)
ربع ملعقه صغيرة بيكنج بودر
ملعقة صغيرة فانيليا
2 ملعقة كبيرة زبد
2 ملعقة كبيرة سكر ناعم
بيضة واحدة- فانيليا
للتجميل 
 مربى – شيكولاتة فرمسيل – مكسرات محمصة مفرية
جوز هند ناعم – نقط الوان طعام صحية
الطريقة
ندعك السمن جيدا ثم نضيف له السكر وندعك كويس
ثم نضرب البيض ونضع علية الفانيليا
ننخل الدقيق والخميرة ونضع علية الكورن فلور ونقلبهم كويس
نضع البيض على السكر والسمنة ونخلط كويس
نضع الدقيق مع التقليب حتى تتكون عجينة متوسطة يسهل تشكيلها
نعمل العجينة كور صغيرة قد البندقة
نرصصهم فى صينية مدهونة ونترك بينهم مسافات
فى فرن متوسط الحرارة لحد ما تستوى
ونتركها تبرد ثم نلزق كل كورتين بالمربى
ونجمل الاجناب داير ما يدور بالشيكولاتة الفارمسيل او المكسرات
او نضع لون احمر على شوية جوز هند فحيحمر ونزوق بة الاجناب
او نضع لون اخضر على شوية جوز هند ونزوق بة الاجناب
ملحوظة
 ممكن نقسم العجينة لجزءين او ثلاثة ونضع على كل جزء نقطة
واحدة من اى لون من الالوان الصحية ونضع على الجزء التانى
نقطة من اى لون تانى وهكذا وبعدين نشكل كور من كل لون
ونلزق كرة باللون الاحمر مثلا مع كرة باللون الازرق
او كرة باللون الاخضر مع كرة باللون الاصفر
وفى النهاية حتحصلى على لانكشير ملون مميز

@@@@@

الغريبة
كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر
الطريقة
نضرب السمن الاول لوحدة
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية
على الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة
اما قرنفلة تنغزيها فى العجينة مش حيبقى باين منها الا الوردة
اللى فوق – او نص فستقة – او نص لوزة مقشرة –
او ملبسة فضى اللى بتبقى مدورة زى الكرة و ناشفة و لونها فضى
او واحدة صنوبر
نرصص الغريبة فى الصوانى و ندخلها الفرن و خلى بالك
ان لونها مش حيتغير انتى ابقى بصى عليها من تحت
حتلاقيها لونها اغمق شوية و مسك نفسة كدة خلاص تخرجيها من الفرن
ملحوظة
بمجرد ما تطلع الغريبة من الفرن وهى سخنة تكونى مجهزة سكر بودرة
فى مصفاة صغيرة و تروحى رشة عليها مباشرة السكر البودرة وهى سخنة
فى الصينية و بالهنا و الشفا
ملحوظة
 معظم الناس بتعمل الغريبة ببياض البيض فقط من غير الصفار لكن انا
بعملها بالبيضة كاملة و التجربة خير برهان

@@@@@
  بسكويت النوشادر
1 كيلو دقيق
1/3 كيلو سكر
ربع كيلو سمنه
10ييضات
معلقة فانيليا
1 ملعقه كبيره نوشادر
ملعقة بيكنج بودر
كوب حليب
الطريقه
نضرب البيض جيدا لحد ما يتخن
ندوب النشادر و البيكنج بودر فى الحليب
ثم نضعهم على البيض المضروب
نضع الدقيق على الخليط مع العجن حتى تتكون عجينة صالحة للفرد
نشكل العجينة بالمفرمة بالوش الخاص بالبسكويت على شكل اصابع
يدهن الوجة بالبيض وتخبز فى فرن متوسط الحرارة

@@@@@

  شكلمة اللوز
ثمن كيلو لوز مقشر
ثمن كيلو سكر بودرة
بياض 4 بيضات
كيس فانيليا
لوز مقشر او فواكة مجففة
الطريقة
يقشر اللوز ويفرم
نضيف له السكر وبياض البيض شوية شوية
لحد ما تتكون عجينة طرية
ثم نضع الفانيليا
نبطن صاج الفرن بورقة زبد مدهونة بالزبد ومرشوشة بالدقيق
نضع العجينة فى الكيس بالقمع ونشكلها ونضع فى كل واحدة
كريز مسكر او لوز تخبز فى فرن هادىء
فور خروجها من الفرن نلمعه بقليل من اللبن المحلى بالسكر

@@@@@

  أصابع البتى فور
2 كوب دقيق - كوب سكر
أصبع زبده 113ج
نص ملعقة صغيرة بيكنج بودر
بيضتان - ملعقتان شوكولاتة بودرة
مربى – فستق مطحون للزينة
الطريقة
ينخل الدقيق والبيكنج بودر
يخفق السكر والزبده حتى يصبح مثل الكريمة
يضاف البيض للخليط السابق ويخلط
تضع المقادير الجافة وتعجن
وتقسم العجينة إلى قسمين
ثم تضع على قسم الشوكولاته والقسم الآخر سادة
تشكل بماكينة البسكويت او بالقمع على هيئة أصابع
وتخبز فى فرن هادى حتى تحمر من الأسفل
بعد أن تبرد الأصابع يؤخذ أصبع سادة
ويدهن بالمربى ويلصق فيه أصبع الشوكولاته
ويضع على الأطراف الفستق المفروم


وكل سنه وانتم طيبين


۩˙·٠• ۩˙·٠• رمضان كريم •٠·˙۩ •٠·˙۩




أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

14 التعليقات:

غير معرف يقول...

كل سنة وانتى بصحه وخير
والكل بخير

كله جميل والله يا مرمر

وطريقة البيتى فور احتمال اجربها
دمتى بخير

شمس النهار يقول...

كده
الرجيم باظ يانااااس


كل سنة وانتي طيبه


تحياتي

mrmr يقول...

حبى الجميل
وانت طيبه يا حبيه قلبى
ان شاء الله تجربيه ويعجبك
وكل سنه وانتِ بالف صحه وعافيه

mrmr يقول...

شمس النهار

يوم فى السنه نبوظه سماح بقى النوبه

كل سنه وانتِ بالف صحه

عيد سعيد

Humman being يقول...

حلوة يا مرمورة الطرق دى.... بس تعملى ايه بقى فى اللى بيعرف ياكل بس ... أختك شيماء بتعرف تاكل بس تعمل لألألألألألألألألألألألألألألألأ..
ههههههههه

كل سنة وانتى طيبة

Unknown يقول...

افتري يا مفتري :) :)

mrmr يقول...

شيماء

بالهناااااا يا غاليتى
كلنا هذا الشخص بنعرف ناكل جيدا
نورتينى يا قمر

عيد سعيد

mrmr يقول...

حسنى باشا

دلوقتى انت افترى براحتك

خلص رمضان واديها مرتحمهاش

عيد سعيد عليك

السُـلطانة يقول...

السلام عليكم ورحمة الله وبركاته ..

كل سنة وأنت وأمة محمد بخير ..

الله يحلي أيامك يارب .. تحياتي لك ودمتي بخير

الــحــــنـــــــــــــــــــين يقول...

كل سنة وانتى طيبه عيد سعيد عليكى

Dr/ walaa salah يقول...

كل سنه وانتي طيبه يا مرمر

بصي يا ستي انا بشهاده الجميع بعمل غريبه روووووعه بس المشكله اني دايما انسى مقاديرها وقبل ما اعملها افضل الف وادور لغايه لما الاقي الطريقه

ان شاء الله اجرب طريقتك


كل سنه وانتي طيبه يا حبيبتي

mrmr يقول...

السلطانه

وانتى طيبه يا ام قلب طيب

عيد سعيد على الجميع

mrmr يقول...

الحنين

كل عام والجميع بخير وسعاده

شكرا للمرور الجميل

mrmr يقول...

د / ولاء

الكل بيشهد بكفاءه حضرتك
وانا كمان بعد ما زرت مدونتك المطبخ باشهد وابصم بالعشرين بكفاءه حضرتك
مدونتك حقا جميله

كل سنه وانتى بالف صحه وسعاده
ومرسى لزيارتك الجميله

template by Osama hosny 2009