السبت، يناير 15، 2011

اجمل تورته لشعب تونس الحبيب

اجمل تحيه لاجمل وقفه
لاجمل شعب
شعب تونس الحبيب وباقدم لهم اجمل تورته



المقادير

8 بيضات
2 كوب دقيق
2 كوب سكر ناعم
ملعقة صغيرة بكينج باودر
نصف ملعقة صغيرة فانيليا
2 ملعقة كاكاو بودرة

مقادير الحشو
 450 جرام كريمة شيكولاتة
250 جرام سوفت جلاس شيكولاتة
 200 جرام شيكولاتة لتزيين التورتة

الطريقه 
اول حاجه يتم تسخين الفرن على درجة حرارة
180 مئوية
 ويحضر القالب اللى ح نعمل فيه الكيك
و يفضل أن يكون على شكل قلب
او ذى ما تحبى
و ندهنه بالزبد ونبطنه بالدقيق
و يخفق البيض مع السكر والفانيليا بالمضرب الكهربائي مدة 20 دقيقة
 ينخل الدقيق مع البكينج بودر نضيف اليه
 مقدار الكاكاو
ثم نضيف جميع المكونات الأخرى بالتدريج
 إلى خليط البيض والسكر
طبعا مع الاستمرار بالتقليب بمنتهى الخفة
 يسكب خليط الكيكة في القالب
 ويدخل فى الفرن لمدة 45 دقيقة
 أو الى ان تنضج الكيكه
وعلشان نعرف ان الكيكيه اكتملت نضجها نلاحظ انفصال الكيكة عن جدار القالب
 تقلب الكيكة بعد إخراجها من الفرن
 على قاعدة من السلك 
ونتركها لتبرد
 وتقطع بعد ذلك إلى ثلاثة أجزاء متساوية
  ويفصل كل جزء على حدة
 ثم يوضع الجزء الأسفل على طبق التقديم
 ونضع طبقة من كريمة الشيكولاتة عليها
والطبقه الثانيه كذلك
والثالثه ايضا
 بعدها تساوى الطبقات الثلاث فوق بعضها
ونغطى جوانب التورتة بكريمة الشيكولاته
 وتوضع فى الفريزر لمدة 10 دقائق
حتى تتماسك
ونخرجها بعد ذلك ويوضع عليها
سوفت جلاس الشيكولاتة
ثم تزين من الجوانب ببشر الشيكولاته الخام
 وعلى الوجه بوردات من الشيكولاته
وحبات الكريز
او اى مكسرات حسب رغبتك

وبالهنااااااااا

لمشاهده كيكه نانسى عجرم
ح نلاقيها فى مكتبه الفيديو
فالى هنااااك


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

11 التعليقات:

amiralcafe يقول...

قصيدة مصرية
يسمونه فى تونس اللص اللعين ! هوه بن على زين العابدين


من ثلاثة وعشرين عام بيذلهم! وبيقولهم أنا وياكم ليوم الدين


بورقيبة قبله قال أنامدى الحياة! والرؤسا نسيوا إنهم يوما ميتين


لما تعب الشعب قام وثارهناك! ولازينا ببيوتنا حانفضل نايمين


بن على اللص قصفهم بالطيارات!أمال اللص الألعن عندنا مين


وحايعمل إيه النصاب فى شعبه! لو قالوله وإبنه موش عايزين


وإحنا فعلا خلاص فاض بينا! كفاية علينا ذل تمانية وعشرين


إذا كان شعب تونس بيحس ! إحنا ليه بمصر موش حاسين


عندهم دم وكرامة ونخوة ورجولة!ولو عندنا نبقى موش خاينين


إمتى عجوزيحل مشاكل شباب!إتظلم وإتزل وهمه موش عايشين


عشرة مليون تونسى قاموا بكرامة!بقالهم شهورثايرين متظاهرين
........http://farouksam.blogspot.com/2011/01/blog-post_14.html

الحــب الجميـــل يقول...

صباح الثكر والحاجات الحلوة
طريقه سهله وجميله يا مرمورتى
تسلمى عليها

عقبال تورتتنا

:))

خواطري مع الحياة يقول...

صباح النجاح والانتصار
اجمل صباح على اجمل مرمورتي
الله الله وصلت ريحتها لعندي
وصفة روووووعة وسهلة التحضير
واجمل تورته من اجمل مرمورتي
تقبلي مروري ياقمر
سلامي لاطيب مرمورتي.

السُـلطانة يقول...

تورته جميلة أوي يا مرمر والأحلى إنها جات لشعب عربي إرادته تحدت كل الظلم والطغيان عقبال ما نعملكم أحلى تورته لحرية كل الشعوب العربية صاحبة الإرادة الحق ..

وأعتذر عن كتابة اسمي فقد كتبته بالخطأ عندك معليش ويا ستي أنا سعدت كثيرا بالتعرف على ركنك المفضل لدى كل الستات ربات البيوت والعاملات أيضا .. تحية معطرة بالإيمان

نبع الغرام يقول...

لولولولوىىىىىىىىىىى

عقبالك يامصرنا الحبيبه

mrmr يقول...

رؤوف
الف مبرووك وربنا يكمل ثورتكم على خير
ويعم السلام والامان والرخاء على اهل تونس الكرام
نورت ركن المرأه

mrmr يقول...

حبى الجميل
صباحك مسك وعنبر
امين يارب
بس تورتتنا ح تكون من 10 ادوار
ديما منورا ركنى يا غاليه

mrmr يقول...

رشا الجميله
صباح التهليل والافراح والسعاده على عيونك يا قمر
عقبال ما نحتفل بيكى ونعمل تورته فرحك يا غاليتى
ربى يسعدك

mrmr يقول...

السلطانه
يارب يا غاليه نحتفل بجميع الشعوب العربيه
مش تعتذرى يا قمر محصلش حاجه
سعيده بمعرفك
ربنا يسعد قلبك

mrmr يقول...

نبع الغرام

خيبانه مش عارفه تغردتى
زغروتك صغيره سمعتها ووصلتنى
تعالى عندنا فى الصعيد وانا اعلمك
ههههههههه

وشكرا لشعورك الطيب
وشكرا لمروك العطر

ليس فقيرا من يحب يقول...

حلوووووووووة اوى اوى يا سحورتى

عقبال كل الراقدون تحت التراب

وحشتييييييييييييييييينى اووى اوووووووووى

عامله ايه ياقلبى انتى والبنات وباباهم

يارب تكونو بالف خير

وحشاااااااااااااااااااااانى

امواااااااااااااااااااااااه

template by Osama hosny 2009