الاثنين، أغسطس 30، 2010

۩ اليكِ الذ طعام فى اليوم العشرين من شهر رمضان ۩

حالووو يا حالووو رمضان كريم يا حالووو
كل لحظه وانتو فى منتهى السعاده
وفرحانين ومبسوطين
ابتدى العد التنازلى لانتهاء الشهر الكريم
حالا كده الايام الجميله بتنتهى بسرعه لكن احنا نقدر نخلى ايامنا كلها سعيده
وسر السعاده تاتى براحه البال واسعاد الاخرين
ونظره الحب والحنان اللى ممكن نقدمها لشخص محتاج
ربنا يجعله فى ميزان حسناتكم
يالى كده بمنتهى الهمه والنشاط نشمر ايدينا ونستعد لدخول المطبخ
مشروبنا انهارده هو
عصير الفراوله
 نحضر مع بعض
 فراولة طازجة ( او محفوظه بطريق سليمه  ) 
   ١ ملعقة كبيرة عصير ليمون حامض
  ١ ملعقة كبيرة سكر
الطريقه
 تُغسل حبات الفراولة وتُثلّج لمدة ساعة او اكثر.
 يضرب الفراولة المثلجة مع العصير والسكر و¾ كوب من الماء
 في الخلاط الكهربائي حتى نحصل على مزيج ناعم
ويصب فى كاسات للتقديم
وبالهنااااااا


۩˙·٠• ۩˙·٠• رمضان كريم •٠·˙۩ •٠·˙۩
 
 
اما الطبق الاساسى بتاعنا وده طبق صينى
ههههه
عشنا وشفنا كمان الاكل حنعملوه صينى لكن مافيش مانع  مادام لذيذ
دجاج صينى بالكارى والكركم
نحضر سوى
2 صدور دجاج بدون عظم + 3 ملعقة زيت زيتون
2/1 ملعقة كركم + ملعقة كاري  + فلفل أسود + 1 جزر + قطع ملفوف
1 فلفل أخضر + قطع مشروم + 1 بصل + 1 كوب صلصة صويا
نبتدى بقى نشتغل 
نقطع  صدور الدجاج قطع صغيرة وبعدين نغسلها ونضعها فى المصفاة
وفي المقلاة نضع قليل من زيت الزيتون
ونضع عليه صدور الدجاج والبهارات والملح ويترك حتى ينضج الدجاج ثم نضع الخضروات حتى تذبل ثم نضيف صلصة الصويا ونقلبها
 وتقدم ساخنة
وبالهنااااااااااااااااااااااااااااا

۩˙·٠• ۩˙·٠• رمضان كريم •٠·˙۩ •٠·˙۩
 
 
الحلويات بقى وااااااااااو حكايه تانيه خالص
انا بقدم الحلووووو للحلوووووووو
كنافه بالكريمه والاناناس
الحاجه اللى واثقه منها بقى انها ح تعجبكم
طلباتنا بقى ح تكون
2/1 كجم كنافة  + 1 علبة أناناس محفوظة ومحلى + 2 بيضة
2 بياض بيض  + 2 كوب لبن  + 1 كوب سمن مذاب
4/1 كوب زيت ذرة  + 4 ملعقة كبيرة دقيق  + فانيليا + 6 ملعقة كبيرة سكر
2/1 1 كوب شربات
 طريقة تحضيرها بقى
1.يخلط اللبن والبيض وبياض البيض والدقيق والسكر والفانيليا جيداً في إناء
2.يسخن على نار متوسطة حتى الغليان مع الخفق المستمر
3.يرفع عن النار ، تترك الكريمة لتبرد لمدة 20 دقيقة
4.في هذه الأثناء تحضر الكنافة تقطع إلى شرائط قصيرة ممكن نستخدامى المقص
5.توضع فى وعاء متوسط و تقلب جيداً مع الزبد المذاب والزيت
باستخدام اليدين حتى تتشربه و تصبح لينة
6.تدهن صينية للفرن بالزبد و تفرد فيها نصف كمية الكنافة
7.يضغط على الكنافة في الصينية جيداً باليدين لتصبح متماسكة
8.يفرد خليط الكريمة على الكنافة بعيداً عن أحرف الصينية
9.يصفى الأناناس من السائل و يرص فوق طبقة الكريمة
مع ترك القليل من المسافات بين كل قطعة وأخرى
10.يضاف النصف الأخر من الكنافة و يضغط عليه أيضاً
11.يسخن الفرن إلى درجة 200-210 مئوية ثم توضع الصينية على الرف السفلى لمدة 20-25 دقيقة حتى يصبح السطح ذهبي اللون
12.تخرج الصينية من الفرن و يصب الشربات البارد عليها فور خروجها
13.يوضع طبق التقديم فوق الصينية ثم تقلب الكنافة فيه ويمكن رش فستق مطحون علي سطح الكنافة وتقدم فوراً.
وبالهنااااااااااااااا



۩˙·٠• ۩˙·٠• رمضان كريم •٠·˙۩ •٠·˙۩
 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، أغسطس 28، 2010

۩ افطارك لليوم الثامن عشر من الشهر الكريم ۩

حبايبى واصدقائى يسعد صباحكم اذا كان صباح
ويسعد مساءكم اذا كان مساء
معلش سامحونى مش بقدر كل يوم اقدم جديد نظرا لبعض الظروف
لكن انا ديما معاكم وقلبى وفكرى مشغول بيكم
وعايزه اقدم  ليكم المفيد والصحى
مشروبنا انهارده لليوم 18 من شهر رمضان المبارك حيكون
ميلك شايك الشكولاه
وده مشروب امريكى يارب يعجبكم

المقدار
1 ونص كوب لبن  + ٣٠٠ غرام شوكولا  قطع
٢⁄٣ كوب سكر  + ٦ ملعقة كبيرة آيس كريم  بالفانيلا
الطريقه
 يّسخن الشوكولا في وعاء مع كوب ماء على حرارة متوسطة
مع التحريك المستمر حتى يذوب الشوكولا.
ثم يّضاف السكر ويترك على النار حتى يغلي ثم يّرفع ويوضع جانباً ليبرد
 يوضع بعد ذلك اللبن مع مزيج الشوكولا في الخلاط الكهربائي، يخلط بسرعة عالية ثم تضاف الايس كريم الفانيليا ويّمزج جيداً.
 يُسكب الميلك شايك في كاسات طويلة
 ويُقدّم بارداً
وبالهنا

۩˙·٠• ۩˙·٠• رمضان كريم •٠·˙۩ •٠·˙۩

اما طبقى الجديد انهارده حيكون
فراخ بصلصه الصماطم والبهارات على الطريقه الايطاليه 

المتطلبات 
1 كجم صدور دجاج
1 ملعقة صغيرة  ثوم مفروم
2 ملعقة كبيرة زيت عباد الشمس
1 ملعقة كبيرة زيت زيتون
2-3 ملعقة كبيرة صلصة طماطم
4/1 كوب دقيق
2 ملعقة كبيرة جبن بارميزان مبشور
1 ورق لاورا
3 فروع ريحان طازج
1 ملعقة صغيرة ريحان مجفف
1 ملعقة صغيرة أوريجانو مجفف
رشة بابريكا  + ملح
طريقة التنفيذ
سخني زيت الزيتون في إناء على نار متوسطة
أضيفي صلصة الطماطم والريحان الطازج ، وورق اللورا
 وكوبايه الماء واتركيه ليغلى
اخفضي النار و اتركيه ليغلى لمدة 10 دقائق أو حتى يصبح الصوص سميكاً
 ثم  تزال أوراق الريحان وورق اللورا و يترك جانباً
قطعي كل صدر دجاجة إلى نصفين بالعرض ثم يقطع كل نصف إلى قطعتين
امزجي الدقيق، الملح، البابريكا، بودرة الثوم، الأوريجانو
الريحان المجفف و الجبن البارميزان في طبق وضعي قطع الدجاج في خليط الدقيق ليغطى به جيداً
سخني زيت  في مقلاة غير لاصقة على نار متوسطة تحمر قطع الدجاج
على الجانبين حتى يحمر الدجاج و ينضج
ضعي الدجاج في طبق و صبي الصوص الساخن فوقه
وممكن تقدميه  مع مكرونة مسلوقة
وبالهنااااا

۩˙·٠• ۩˙·٠• رمضان كريم •٠·˙۩ •٠·˙۩
 
اما الحلو انهارده بقدملك  كريب بصوص البلح
انما ايه حكاااااااااااااااايه

 مقاديرك
100 جم طحين  + 1 ملعقة كبيرة سكر + القليل من الملح
2 بيض  +  1 ملعقة كبيرة زيت  + 300 مل من اللبن
القليل من الزعفران + الصوص
100 جم من الزبد
50 جم من السكر
150 مل من صوص البلح
1 ملعقة صغيرة من الكركم
2 ملعقة صغيرة من قشر البرتقال
4 ملاعق كبيرة من الكريمة 
 الخطوات التنفيذ
يحضر الصوص أولاً
بحيث توضع كل مقادير الصوص في قدر ويترك ليغلي على نار هادئة
لتحضير الكريب
يخلط الطحين مع السكر والملح في وعاء ثم يضاف إليه الزعفران
يضاف اللبن ويقلب الخليط جيداً
يسخن الزيت في قدر مخصص لصنع الكريب أو البان كيك على نار هادئة
 تسكب كمية قليلة من عجينة الكريب فوق الزيت وتحمر وتقلب على الجانبين
عندما تنضج قطعة الكريب ترفع من على النار
 وتثنى ويسكب عليها القليل من صوص البلح
وبالهنااااااااا



اتمنى اللى قدمته انهارده نال اعجابكم
تمنياتى اليكم بصوم مقبووول وافطاااااااااااارا شهيااااااااااااا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، أغسطس 26، 2010

۩ فننى لسفرتك لليوم السادس عشر من رمضان ۩

سيدتى الجميله كل هدفى هو تقديم ما هو جديد ولذيذ
وصحى لكِ ولاسرتك وبقدم لكِ اليوم
كوكتيل الفواكه


كل ما عليكِ تحضرى 
 علبة عصير أناناس أو 4 حلقات من الأناناس الطازج
علبة عصير مانجو أو حبة مانجو طازجة
وأقل من ربع كوب من شراب الرمان
ربع فنجان جوز الهند
كيفيه تحضيرها 
كل ما عليكى فعله تضربى المقادير كلها في الخلاط ثم تصبيها في أكواب
وتتزين الأكواب إما بقطع الأناناس أو بقطع المانجو
يوضع بعد ذلك العصير في الثلاجة لوقت التقديم
وبالهناااااااااااااااا

 
۩˙·٠• ۩˙·٠• رمضان كريم •٠·˙۩ •٠·˙۩


اما الطبق اللى ح اقدمه انهارده هو عباره عن طبق سعودى
اكيد ح تعجبك انا وثقه من كده
طبقنا
كبسه الفراخ السعودى
 

الطلبات اللى ح نستعملها
فرخه مقطعة  + 1/2 كيلو أرز بسمتي وممكن اى نوع ارز اخر
2 جزر مبشور + ثوم مفروم + بشر برتقالة
عصير طماطم  + 2 بصل مفروم
ملح  + بهارات + فلفل أبيض + قرفة + زبد أو زيت
مكسرات " حسب الرغبة "  + لومي أسود + ماء + هيل


طريقه تنفيذها 
في إناء ضعي القليل من الزيت ثم حمري البصل كويس ، ثم ضعى الفراخ
على البصل واتركيه حتى ينضج وضعى الملح والفلفل والبهارات
ونقلب الفراخ جيداً
ضعى الثوم والقرفة وبشر البرتقال ثم الجزر والهيل واللومي فوق الخليط
ونحركه ثم نضيف عصير الطماطم والماء ونتركه على النار
 لغايه ينضج
ثم نرفع الفراخ من المرقة  عل جانب
 ثم نضيف الأرز البسمتي المغسول إلى المرقة ونخلطه ونضيف القليل من الماء
إذا احتاج ونتركه إلى أن يتشرب المرقة
ثم نضع الأرز في طبق التقديم
ونرص عليه قطع الفراخ وتزين بالمكسرات ونقدمه ساخن
 وبالهنااااااااااا 
۩˙·٠• ۩˙·٠• رمضان كريم •٠·˙۩ •٠·˙۩

  اما الحلويات فبقدم لكِ
 كيك الفواكه المجمده
المقادير
3 كوب دقيق + 4/3 كوب لبن + 4/1 كوب زيت + 4 بيضات
فانيليا وبيكنج بودر + كوب وربع سكر +  2/1 كوب فواكه مجففة ومقطعة
كيفيه عملها
يخفق البيض مع السكر والفانيليا حتى يصبح هشاً
يضاف اللبن والزيت ويخفق بشدة حتى يصبح هشاً ايضاً
ويضاف الدقيق والبيكنج بودر والفواكه المقطعة أو قطع الشيكولاتة الخام
بالتبادل يصب الخليط فى قالب الخبز
 ويوضع فى فرن معتدل الحرارة من 25 : 30 دقيقة
وبس خلاص

اتمنى تكون اطباقى انهاره عجبتكم
تمنياتى لكم بصياما مقبولا وافطارا هنياااااااا



 
۩˙·٠• ۩˙·٠• رمضان كريم •٠·˙۩ •٠·˙۩

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الجمعة، أغسطس 20، 2010

۩ سفرتك عاشر يوم رمضان ۩

حبايبى كل يوم وانتم طيبين
العاشر من رمضان له ذكرى جميله لكل المصريين
كل سنه ومصر كلها بخير وسلام
مشروبنا انهارده هو
عصير البرتقال بالموز والاناناس باللبن

المقادير
 نص كوب عصير البرتقال  +  نص كوب عصير الأناناس
+  ١ موزه مقطعة  + ١ كوب لبن  
الطريقه
توضع المكونات في الخلاط الكهربائي وتُمزج جيداً حتى الحصول على مزيج ناعم
وتوضع فى الثلاجه الى حين تقدمها  
وبالهناااااااااا

۩˙·٠• ۩˙·٠• رمضان كريم •٠·˙۩ •٠·˙۩

طبقنا اليوم حيكون
صينيه البطاطس بالطحينه
المقادير
بطاطس مقطعة شرائح اكبرمن الشيبس بقليل محمرمة في الزيت
كفتة نص سوا
سلطة طحينة مظبوطة الطعم والتتبيل
التحضير
سوي الكفتة التي حضرتيها مرصوصة في صينية وسويها نصف سوا
ثم ضعي عليها شرائح البطاطس وغطي الصينية كلها
اسكبي سلطة الطحينة فوق البطاطس زي البشاميل
على ان تكون السلطة سميكة القوام نسبيا
ضعيها في فرن حرارته 180 درجه حتى تتشرب البطاطس الطحينة
قليلا ثم افتحي الشواية من فوق حتى يحمرالوجه
اعتقد انه مافيش اسهل من كده
وبالهنا والشفا

۩˙·٠• ۩˙·٠• رمضان كريم •٠·˙۩ •٠·˙۩

اما الحلووووووو بقى بقدم لكم
  كاتو فرنسي مبروش
والطبق ده فرنسى الاصل اتمنى ينول اعجابكم 
المقادير
  ٣ كوب دقيق  + ٢ بيض +  ١ كوب سكر  +  نص كوب سمنة أو زبدة
١ ملعقة صغيره فانيليا  + ١ ملعقة كبيرة بايكنغ باودر
 ١ ملعقة صغيره برش قشرة حامض +  ٥ ملعقة كبيرة مربى مشمش
طريقه عملها
 توضع جميع المقادير ما عدا مربى المشمش في وعاء و تخلط حتى الحصول على عجينة طرية و نترك العجينة لترتاح قليلا.
 تقسم العجينة إلى قسمين واحد أكبر من الثاني.
 نفرد القسم الاكبر من العجينة في صينية للخبز. ونوزع مربى المشمش فوق العجين بطريقة متساوية .
 نفرد القسم الثاني من العجين بواسطة مبشرة الليمون مباشرةّ فوق المربى.
 يجب التأكد من توزيع العجين المبشور بطريقة متساوية
فوق المربى من دون ترك فراغ.
تدخل الصينية إلى الفرن بدرجة حرارة متوسطة عندما يحمر وجه العجين و يصبح ذهبي تخرج الصينية من الفرن تترك لتبرد ثم تقطع
وبالهنااااااااااااااااا
اتمنى لكم صوما مقبول
وافطارا شهيا

 

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الخميس، أغسطس 19، 2010

۩ افطارك تاسع يوم رمضان ۩

صباح الفل اصدقائى وحبايبى
 انهارده تاسع يوم فى الشهر الكريم
كل يوم وانتم طيبين وربنا يقويكم ويكمل ايام صيامكم بخير
مشروبنا اليوم
فراوله بالموز
 المقدار
٢ كوب فراولة  + ١⁄٢ موز طازجة
١ كوب لبن + ٢ ملعقة صغيره سكر  + ١ ⁄٢ ملعقة صغيره الفانيليا
طريقه عملها
 توضع كافة المكونات في الخلاط الكهربائي وتُمزج حتى الحصول على مزيج ناعم وكثير الرغوة  بس كده ونقدمه مثلج وفرش
وبالهناااااااااا

۩˙·٠• ۩˙·٠• رمضان كريم •٠·˙۩ •٠·˙۩

اما طبقنا اليوم حيكون من الاسماك
والاسماك من الاكلات الغنيه والمغذيه والجسم محتاج اليه ولا غنى عنه
سمك مقلى مع صلصة الخل الحارة
المقادير

كيلو سمك فلية 
ثلث كوب من صلصة الصويا الخفيفة
كوب نشاء  + كوب دقيق العادى  + بصلتان خضروان مقطعان الى شرائح رفيعة
2 فلفل احمر حار مقطع الى شرائح رفيعة
مقادير صلصة الخل الحارة
3 ملاعق خل الارز  + فنجان ماء صغير  + ملعقة من صلصة الصويا الخفيفة
ملعقة من صلصة الطماطم 
ملعقة ونصف من الصلصة الحمراء الحارة
التحضير
اقطعى كل واحدة من فلية السمك الى قطعتين بشكل مائل
اغمسى قطع السمك فى صلصة الصويا حركيها حتى تتخلصى من الصلصة الزائدة
 ثم ضعيها فى خليط الدقيق حركيها حتى تتخلصى من الدقيق الزائد
احمى الزيت فى مقلاة كبيرة
 اقلى السمك حتى يحمر جيدا ارفعية على مناديل ورقية
ضعى السمك في طبق زينية بالبصل الاخضر والفلفل الاحمر
و قدمية مع صلصة الخل الحارة
طريقة تحضير صلصة الخل الحاره
ضعى المواد معا فى وعاء ثم اغليها على النار مدة دقيقتين
وبالهنااااااااااا

۩˙·٠• ۩˙·٠• رمضان كريم •٠·˙۩ •٠·˙۩


اما عن الحلويات ف معايا كيكه انما ايه !!!!
 تستاهل الاكل
 الكيكه دى من المطبخ الامريكى
كيكه الشوكولاته بالصوص
المقدار
٤ بيض +  ٢ كوب طحين +  ١ وربع كوب سكر +  ١ كوب لبن
٣⁄٤ كوب زيت ذرة  + ٣ ملعقة كبيرة كاكاو بودرة  + ٢ ملعقة كبيرة بايكنغ باودر
 ١ ملعقة صغيره بايكاربونات الصودا +  ١ ملعقة صغيره فانيليا +  
١ ملعقة صغيره ملح
الصوص
١ علبة قشدة  + ١ علبة حليب مكثف محلى  + ٣ ملعقة كبيرة كاكاو بودرة
طريقه التنفيذ
 نخفق البيض مع الفانليا و السكر حتى يصبح كريمة.  نضيف الزيت والحليب مع الاستمرار بالخفق.  ثم بمنخل نضع الطحين والكاكاو والبايكنغ باودر
وينخل ويخلط حتى يتجانس الخليط
 ويوضع فى قالب مدهون بالزبدة أو الزيت
 نضع القالب في الفرن على حرارة 180 مدة 45 دقيقة ومن ثم نخرجها من الفرن ونكون جهزنا الصوص بخفق مكوناته.
 وبعد ان تبرد الكيكة نصب الصوص عليها وتبرد بالثلاجة
وبالهناااااااااا
اتمنى تكون مقترحاتى انهارده نالت اعجابكم ومش ارهقتكم فى المطبخ كتير
ربنا يتقبل منا ومنكم صيامنا
ويقوينا اجمعين

۩˙·٠• ۩˙·٠• رمضان كريم •٠·˙۩ •٠·˙۩


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأحد، أغسطس 15، 2010

سفره دايمه لخامس ايام الشهر الكريم

صبااااااااااااااح الخيراااااااااااااااااااااااات
اعزائى وحبايبى الصايمين اللى بيحتاروا وينداروا مش عارفين يقدموا ايه
انا ح اساعدكم فى اختياركم واقدم لكم ما هو غنى وصحى ولذيذ
اول حاجه نشرب العصير وبقترح عصير المانجو بالهبل
 أأأأأأ
أقصد مانجو بالموز واللبن
تحضير المكونات
١ كوب مانجا, ناضج ومقشر ومقطع الى مكعبات
٣⁄٤ كوب موز, ناضج ومقطع
٢⁄٣ كوب حليب سائل  + ١ ملعقة صغيره عسل 
١⁄٤ ملعقة صغيره خلاصة الفانيليا 
الطريقه
 توزّع مكعبات المانجو في صينية وتوضع في الثلاجة مدة ساعة
من الوقت حتى تتجمد.
نضرب المانجو مع المكونات الأخرى بالخلاط الكهربائي وتُمزج حتى الحصول على مشروب ناعم.

۩˙·٠• ۩˙·٠• رمضان كريم •٠·˙۩ •٠·˙۩

ثانيا
 ياللا همتكم معايا بقى فى شغل المطبخ التقيل بس مش تقيل قوووى يعنى
نشوف بقى
طريقه عمل الكباب بالكارى
مقادير الكباب
١ كيلو لحم مفروم  + ٢ بصل  + ١ ملعقة كبيرة ثوم مهروس  + ٢ توست
٢ ملعقة كبيرة فلفل أخضر, مقطع الى قطعات صغيرة
١⁄٢ حزمه نعناع  + ١ ملعقة صغيره زنجبيل
١⁄٢ حزمه كزبرة طازجة  + ٢ ملعقة كبيرة كمون
١ ملعقة صغيره قرفة ناعمة  + ملح
مقادير الكاري
٢ بصل متوسط الحجم, مفروم  + ٢ ملعقة كبيرة صلصة الطماطم
٢ طماطم, مقطع ناعم  + ١ ملعقة كبيرة زنجبيل مطحون
٢ ملعقة صغيره كمون  + ١ ملعقة صغيره فلفل أبيض
١ ملعقة صغيره قرفة ناعمة
١ ملعقة صغيره فلفل أحمر, حسب الرغبة
٢ كوب زيت  + ملح
الطريقه
 لتحضير الكباب، تخلط جميع المقادير في الخلاط الكهربائي ما عدا اللحم المفروم ثم توضع على اللحم وتمزج معه.
 يعجن اللحم ويشكّل على شكل الاصبع ويكون شكله كالكباب الصغير .. ويوضع بعدها في صينية في الفرن الكهربائي لمدة ربع ساعة تقريبا.
 وفي اثناء ذلك اشعلي قطعة فحمة وضعيها في صحن صغير على القصدير ويسكب فوقها ملعقة سمن وتوضع في الفرن لتبخير الكباب ..
 لتحضير الكاري
 يوضع كوبين من الزيت في القدر ويوضع عليها البصل الناعم ويقلب حوالي 20 دقيقة .. وبعد ذلك يوضع معه الزنجبيل والطماطم والكمون وفلفل ابيض وفلفل احمر اضافة الى القرفة ويقلب حوالي 20 دقيقة ..
يضاف الى القدر 3 اكواب ماء يغلى الماء لمدة 10 دقائق وبعدها تُخرج الكفتة من الفرن بحذر وتوضع في القدر فوق الكاري .. ويغلى لمدة 5 دقائق. وبعد ذلك ضعيهـا في الصينية وزينيها بالكزبرة الخضراء.

۩˙·٠• ۩˙·٠• رمضان كريم •٠·˙۩ •٠·˙۩

ثالثا
 ياللا ندخل على الحلويات
شارلووووووت
وده من المطبخ الفرنسى
المقادير اللى ح نستعملها
8 كوب لبن +  ١ علبة بسكوت ساده +  ٢ كوب سكر + ٤ ملعقة كبيرة نشا
٤ ملعقة كبيرة كاكاو بودرة + ١ ملعقة صغيره فانيليا
 فستق للتزيين
طريقتك
 علشان نحضر الطبقه الاولى، نذوب في حّلة 4 كوب حليب و 2 ملعقة نشاء
و كوب سكر و الكاكاو ونصف ملعقة صغيرة فانيليا. 
 يوضع المزيج على نار هادئة مع التحريك المستمرحتى يتماسك ثم يرفع عن النار.
و يصب الخليط في صينية
و يوضع صف من البسكويت فوق الخليط.
و لتحضيرالطبقه الثانيه
 يذوب 4 كوب حليب في حلّة مع 2 ملعقة نشاء و كوب سكر
 ونصف ملعقة صغيرة فانيليا .
 نستخدم نفس طريقة الطبقه الاولى  علشان نحصل على مزيج متماسك
ثم يرفع عن النار و يسكب فوق البسكويت .
 لنكون بكده عندنا طبقتين من الكريما وطبقة بسكويت .
ونزينه بالفستق و ندخل الشارلوت الثلاجه ليتماسك ويبقى سهل تقطيعه

۩˙·٠• ۩˙·٠• رمضان كريم •٠·˙۩ •٠·˙۩

اتمنى حبايبى تكون سفرتى انهارده نالت اعجابكم
ومنتظره رأيكم فى مقترحاتى
وبأراكم تشجعونى للمزيد من المقترحات
وبالهناااااااا

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

السبت، أغسطس 14، 2010

سفرتك رابع يوم رمضان


صباح الخيررررات
اليوم رابع يوم فى الشهر الكريم
ياترى سفرتك ح تكون اذاى ؟؟
وحتعملى ايه ؟؟
ركن المرأه بتحاول تساعدك فى ترتيب سفرتك واختيار فطارك يوم بيوم وبتحاول تجيب كل ما هو جديد
واول حاجه نبتدى بيها المشروبات

شراااااب الخروووووب

المقدار
2 رطل خرّوب  +  2 كوب سكر
تنفيذه
 يُنقع الخروب في ليترين من الماء لمدة 12 ساعة أو طوال الليل.
 يُنقل الخروب والماء الذي نُقع فيه الى وعاء ويُغلى على نار قوية لمدة ساعة
 بعد أن تُغطّى القدر.
 يُصفّى وتزال منه قطع الخروب
 يضاف السكر اليه ويمزج الخليط جيداً، ثم نضعه فى الثلاجه
لمدة ساعة على الأقل، ثم يُقدَّم بارداً
وبالهنااااااا

@@@@@@@@@@

أما طبقنا انهارده
صينيه الدجاج باللبن الزبادى مع الرز الابيض
وده من الاطباق اللبنانيه
يارب تعجبكم
طريقه الطبخ
نتبل الدجاج المقطع إلى أرباع بالثوم
علبة زبادي
ملح
فلفل أسود
بهارات مشكله ( بزار بالسعودي)
ثم يغطى بالقصدير ويدخل الفرن من تحت...
نضع الرز المنقوع على النار ونضع عليه ملح + زيت زيتون +
فلفل حار + قرفه + هيل
لعمل كشنه الرز...يقطع البصل شرائح ويحمر بالزيت..
نضع الزبيب على البصل ونضع جميع البهارات المطحونه
(هيل - قرفه - فلفل أسود - كمون - كزبره ناشفه - زعفران )
نضع الكشنه على وجه الرز في القدر..
نرفع القصدير عن الدجاج ونحمره من الأعلى
نرفع الكشنه عن الرز ونضعها جانباً ثم نغرف الرز ونضع عليه الدجاج
ويزين بالكشنه...

@@@@@@@@@@@

الحلويات
زنود الست
دى حلوى لبنانيه الاصل


٥٠٠ غرام عجينة الفيلو (عجينة البقلاوة) ما يعادل علبة أو 22 رقاقة
٣ كوب قشدة  + زيت للقلي
للتزيين
زهر البرتقال (مزهر) +  فستق حلبي مطحون
للشربات
2 ونص  كوب سكر
 1 ونص  كوب ماء +  ٢ ملعقة صغيره عصير ليمون حامض 
 ١ ملعقة كبيرة ماء الزهر  +١ ملعقة كبيرة ماء الورد
الطريقه
 لتحضير الشربات يوضع السكر والماء في وعاءعلى النار.
 عندما يبدأ المزيج بالغليان ، يضاف عصير الليمون ويترك على النار ليكثف،
 ثم يضاف ماء الزهر وماء الورد،
يرفع الشربت عن النار ويوضع جانباً ليبرد.
 لتحضير زنود الست
 تقطع كل رقاقة عجين الى مستطيلات بطول عشرة سم.
 لحشو كل قطعة توضع شريحتين من العجين فوق بعضها بشكل معاكس
على شكل زائد (+).
توضع ملعقة كبيرة من حشوة القشدة في الوسط، ونغلق جانبي الرقاقة السفلى،
 ثم نلف حولها الرقاقة الأخرى على شكل أصبع.
 يّسخّن الزيت وتُقلى زنود الست لتصبح ذهبية اللون
، ترفع عن النار وتوضع على ورق خاص لإمتصاص الزيت.
 تغمّس بالشربات ثم تزيّن بالقشدة،
زهر الليمون والفستق الحليى المطحون.
وبالهنااااااا

اتمنى تكون سفرتى انهارده خفيفه على قلبكم
وطرقها سهله
ومش تتعبوا فى المطبخ كتيررررر
كل يوم وانتم طيبين
رمضان كريم


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

الأربعاء، أغسطس 11، 2010

مقترحاتى اليكِ فى اول ايام رمضان


اصدقائى وحبايبى
كل لحظه وانتم بخير وفى صحه وهناااااا
رمضان كريم
انهارده اول ايام الشهر الكريم ... لو محتارين حتفطروا ايه
وح تطبخوا ايه ... فانا بقدم لكم مقترحاتى فى اول يوم افطار
ياللا بينا على المطبخ نجهز فطارنا مع بعض
 نبدأ أولا بالعصاير
 عصير الموز بالشيكولاته 
 المقادير
 1 موزه  مقطعة  حلقات
١ كوب لبن  + ١ ملعقة كبيرة بودرة الكاكاو +  ٣ ملعقة صغيره سكر
 ٢ مكعب ثلج
  طريقه تنفيذها
 تخلط جميع المكونات في الخلاط الكهربائي حتى يصبح المزيج ناعماً
ويفضل تقديمه فريش او يحفظ فى الثلاجه حين تناوله
 ثانياالطبق الرئيسى
 شوربه البيتزا 
المقادير
 2 ملعقة كبيرة زيت زيتون +  1 كوب بصل مفروم أو قطع
2 فص ثوم مفروم + 1 كوب فلفل أخضر قطع
1 كوب مشروم شرائح +1 كوب كوسة شرائح
3 كوب مرق لحم + 2 كوب طماطم قطع
1 كوب صلصة بيتزا + 2/1 كوب نقانق(سجق) مطهو
2/1 ملعقة صغيرة توابل بيتزا ( أوريجانو – ريحان – زعتر)
2/1 كوب جبن موتزريلا مبشور
الطريقة
- يُسخن الزيت ويُضاف البصل والثوم ثم الفلفل ثم المشروم، الكوسة
ويُقلب لعدة دقائق.
- يُضاف المرق وقطع الطماطم وصلصة البيتزا والسجق ويُتبل الخليط.
- يُترك على نار هادئة حتى يُنضج الخضار.
- يُغرف ويُزين بالجبن المبشور.
 ثالثا الحلويات
 كرات الشيكولاته اللذيذه 
 المتطلبات
١ علبة بسكوت ساده مطحون  بُوضع البسكويت المطحون، الكاكاو، جوز الهند والهيل المطحون في وعاء
٤ ملعقة كبيرة كاكاو بودرة  + ١ ملعقة كبيرة جوز الهند مطحون
٢ ملعقة كبيرة هيل مطحون + ١ علبة حليب مكثف محلى للزينة
بسكوت ساده مطحون أو برش جوز الهند أو بودرة الشوكولا
كيفيه العمل
 و يخلطوا جيداً ثم يوضع الحليب المركز فوق الخليط
 ويُعجن الخليط الى ان تتماسك المكونات
وتصبح كالعجينة.  
 تقطع العجينة الى قطع صغيرة على شكل كرات
وتغلف بأحد أنواع الزينه المذڪوره سـابقاً.


وبالهنااااااا
اتمنى لكم صوم مقبول
وافطارا شهيا
وكل يوم وانتم طيبين

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

template by Osama hosny 2009