مشبك لبنانى
المقادير
500جم دقيق ابيض.+ 1ملعقة كبيرة خميرة جافة وتذاب في قليل من الماء الفاتر + نصف ملعقة صغيرة ملح+ 600 جم ماء للعجين + زيت للقلى.
لعمل الشربات
500جم سكر + 500جم ماء+ عصيرليمون
طريقة التحضير
ينخل الدقيق في وعاء ويضاف الملح و الخميرة والماء
ويعجن الخليط حتى تتشكل عجينة لينة ومتجانسة
تترك العجينة في الوعاء وتغطى بقطعة من الشاش
وتترك مدة ثلاث ساعات حتى تختمر.
يسخن الزيت في وعاء ويملأ قمع بالعجين ونضغط عليه باليد
حتى تتمكن من إخراج الكمية المطلوبة
ويصب في الزيت المغلى
على شكل دوائر فوق بعضها وتترك حتى تحمر
وترفع من الزيت وتغطس في الشربات البارد
وتكرر العملية حتى انتهاء باقي العجين
وبالهناااااااا
أنشر الموضوع فى المفضلات الاجتماعية من هنا
9 التعليقات:
جميل يا بطه
تسلم اديكى
انا باعمله كده برضه
بس ايه بقى اكتشفت حاجه حلوه
عشان يطلع جامد شويه ومقرمش زي الجاهز
تشيلى كوباية دقيق وتحطي بدالها كوباية نشا
فيطلع مقرمش ولونه فاتح ما يتحروقش فى الزيت
وكمان الشربات بتاعه تعملي نصه عسل بطاطس وتسبيه فى الشربات 3 دقايق وبعدين تشليه
جربي بقى وابقى قوليلى
اهلا اهلا بقطر الندى والياسمين
اكيد ح اجرب طريقتك
وابقى اقولك على النتيجه
مع انى عارفه النتيجه مقدما
مرسى ليكى يا حبيبتى
جزاكي الله كل خير يا قمرة
شكله هااااااااايل
لـــولا
شكله حلا وهو طعم بس انا كسلانه مرة بالذات في الحلو .. عشان كدا أحب اشتريه جاهز ولو فيها رزالة تبعتيلي حته
لولا
اهلا بيكى يا قمر
دى اول زياره ليكى فى ركن المرأه
واتمنى متكنش الاخيره
واتمنى التواصل
مدونتى زادت نور بوجودك
ام الخلود
ازيك يا جميل
انا كل ما بلاقى بست ليكى جديد بطمن عليكى
عنيا ليكى يا قمر انتى بس تامرى وانا واصله لغايه البيت
وارحلك مشى
بالهناااا
تسلمي غاليتي على مشاعرك النبيلة وتحياتي لك.
(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي كركر .. ويكتبون فوقها ..
(حملة الجـسد الواحـد)
رابط المدونة
http://krkr111.blogspot.com
جعله الله في ميزان حسانتكم .. آمين
أهو مشابه للمشبك الموجود بمحلات الحلوى؟
Food Lover
هو فعلا مش يفرق كتير عن الجاهز
ولو جربتى الطريقه اللى ذكرتها ندى الياسمسن فى التعليق ح تبقى اجمل ومقرمشه
شكرا يا عمرى على زيارتك ومتحرمش ابدامن خطوتك
إرسال تعليق