الجمعة، أكتوبر 15، 2010

استخدام جديد للباذنجان بالصور

بما ان عرفنا فوائد  الباذنجان الغنيه
فوصفتى انهارده طريقه جديده لاستخدام الباذنجان
لفائف الباذنجان باللحم المفروم


مقادير اللفايف 
- 2 باذنجان رومي
- ملح
- بهار مشكل
- فلفل أحمر
- كوب عصير طماطم
- ملعقة صلصة طماطم
أما مقادير كرات اللحم فهى 
- 2 كوب لحم مفروم
- 1/3 كوب بصل مفروم
- 1/2 ملعقة صغيرة فلفل أسود
- 1/2 ملعقة صغيرة بهار مشكل
- 1/2 ملعقة صغيرة ملح
- بيضة
طريقة الكرات
تخلط المقادير كلها مع بعضها وتشكل كرات اللحم ونرصها في صينية فرن
 وتدخل فرن ساخن حتى تنضج .
طريقة لفائف الباذنجان
يقشر الباذنجان ويقطع شرائح طولية .
يقلى في الزيت الغزير ويوضع على الورق ليجف من الزيت .
نضع شرائح الباذنجان  كما هو موضح بالصوره
ويوضع بالوسط كرات الكفتة وتلف .
ذى كده تمام
ثم تقفل لفائف الباذنجان بالأعواد الخشبية وتشك فوقها حبة زيتون
أو طماطم صغيرة أو بطاطس 
ذى ما انتوا شايفين كده 
وتصف بصينية فرن ، وتصب فوقها عصير الطماطم
والمعجون والملح والفلفل والبهارات
وتدخل الفرن إلى يحمر وجهها وتقدم مع الأرز ساخنة
وده الشكل النهائى

اظن انها طريقه بسيطه وسهله على كل ست بيت
وبالهنا والشفااااااااا

ولمزيد من الوصفات والفيديوهات

اقعدوا بالعافيه


أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

14 التعليقات:

ツSmiLeY AnGeLツ يقول...

السلام عليكم
صبــــــــــــــاح الخير
ياياياياياي
انا اول تعليق
ههههههههههه
اولا جمعة مباركة
تانية بجد وصفات الي بتكتبيها سهلة جد
مفيهاش صعوبة وجميلة زي صحبتها تسلم ايديكي
بس ممكن اقترح شي لو مش هيضايقك
ممكن نبدل اللحم بالدجاج الي مش عايز لحم
واسفة على تدخلي بس قلت ممكن يكون في تغيير للي عايز يغير
تقبلي مروري وغلاستي هههه
سلامي لاحلى مرموره

mrmr يقول...

خواطرى مع الحياه

شكرا يا قمر على مقترحاتك وده شئ يسعدنى حقا

انتى غلسه !!!!
ابدا يا غاليه من دواعى سرورى فعلا اى حد يعلق ويقول رايه

وفعلا مش يمنع ابدا تبديل صدور الدجاج بدل اللحم بس الصدور فقط وليس اى اجزاء اخرى وده علشان نقدر نفرمه
وبالهنا غاليتى

يسعدنى دائما متابعتك للمدونات
لكى قبلاتى

Dr/ walaa salah يقول...

طريقة جميله جدا يا مرمر


عارفه يا مرمر بابا دايماً بيقولنا اهم حاجه في الطبخ شكل الطبخه لانها اللي بتفتح نفس اللي بياكل ووجبتك دي شكلها بيفتح النفس

ان شاء الله هعملها


تسلم ايدك يا قمر

غير معرف يقول...

صباح البذنجان
صباحك فل يا مرمورى
جميله الفكرة والطريقه سهله
وطريقه جديدة
نبقه نجربها ان شاء الله
وحشتينى
صباحك منور

mrmr يقول...

د / ولاء

بابا عنده حق
الناس الكبيره بركه وكلماتهم كلها حكم
شكل الوجبه تعطى انطباع بمذاق الاكل
علشان كده ديما نتحرص اننا نقدم لاطفالنا ما هو جديد وشكل جميل ومفيد فى آن واحد

شكرا لمتابعتك لركنى

mrmr يقول...

حبى الجميل

صباح البتنجان والجنان
اههههههه
انا سعيده ان الوصفه عجبتك
انتى وحشتينى قوى
ابقى سمعينى صوتك يا وحشه
صباحك قشطه باللبن

ليس فقيرا من يحب يقول...

yuuuuuuuuuuuuuumy yuuuuumy

ايه الاكل الحلو ده يا سوسو

طب اعملى ودوقينى ولو عجبنى هجرب
اتفقنا ماشى

قولتى ايه ياروح روحى

تسلم ايديكى

باحبك اووووووووى

mrmr يقول...

رونى

انا مستعده يا حياتى اكلك من عمايل

ايديا بس انت تعالى وانا اعملك اجمل

الوصفات وان عجبتك وصفه ابقى جربيها

على طووووووول

وحشتينى يا مجرمه

بمووووووووووووووت فيكى يا قمر
سلامى لماما

المجهول يقول...

إنت عايزة يا ست مرمر نحب الباذنجان غصبا عننا .. محنا ملناش غيره كمان بتحليه أكتر ما هو حلو ..

تسلم إيدك فعلا صور جدا جميلة .. ومشهية

mrmr يقول...

المجهول

حب الباذنجان مش حب عادى اعشقه
علشان استريح نفسيا هههههههه

منور ركن المراه

ربنا يسعدك

السُـلطانة يقول...

السلام عليكم ورحمة الله وبركاته ..

دائما لديك كل جديد أختي في الله مرمر .. في الحقيقة أنا لست شاطرة في التزيين كثيرا لكن في طبخ الباذنجان كمسعقة مش باين ليها آخر .. ونغوص فيها دي لوحدها لذيذية .. لكن بطريقة عرضك دي أكيد تبقى ألذ.

شمس النهار يقول...

جميله جدا الوصفه

انا من محبي البازنجان

ان شاء الله هجربها وعليكي

:)

mrmr يقول...

السلطانه
اهلا بالحبيبه الغاليه
سعدت باعجابك لطريقه عرض الوصفه
لكى منى ارق الامنيات

mrmr يقول...

شمس النهار

شكرا لزيارتك الجميله

واتمنى تجربيها ... وبرضه عليا لانى واثقه باعجابك بها

لكى خالص تحياتى

template by Osama hosny 2009