الاثنين، أكتوبر 11، 2010

لحمه الغلبان - باذنجان بانيه

نظرا لارتفاع أسعار اللحوم
فكرت انى اقدم لحمه الفقير الغلبان
واللحمه اللى أقصدها  تحتوي على كميات كبيرة من الفيتامينات والمعادن ومضادات الأكسدة
الباذنجان الأسود على وجه الخصوص غنى  بالزنك والبوتاسيوم 
تعالوا نشوف طريقه سهله وبسيطه
لعمل الباذنجان  
  

المقادير
1 كيلو باذنجان رومي
2 بيضه
ملح - فلفل
بقسماط
زيت غزير للتحمير
الطريقة
نقشر الباذنجان ونقطعه شرايح بسمك 1 سم ويغسل ويتبل بالملح
ونسيبه شويه فى المصفاه لمده 4/1 ساعة
يكسر البيض ونضع الملح والفلفل ثم تجفف شرايح الباذنجان
 وتوضع في البيض ثم  فى البقسماط الناعم
يقلى الباذنجان في زيت ساخن وينشل ويوضع على ورق نشاف
 ويقدم في طبق ويجمل بالبقدونس

وبالهنـــــــا

لمزيد من الوصفات والفيديوهات
على مكتبه الفيديو

أنشر الموضوع فى المفضلات الاجتماعية من هنا



Digg Technorati del.icio.us Stumbleupon Reddit Facebook Twitter

18 التعليقات:

المجهول يقول...

حتى الباذنجان أصبح بانيه !!!

أول مرة أسمع عن لحمة الغلبان بأنها بانيه .. غريبة .. مساكين الغلابة إللي زينا!!

mrmr يقول...

المجهول

نعمل ايه بس المطر يركب الصعب

فعلا الباذنجان يعتبر لحمه الغلبان وده علشان العناصر الموجوده فيها والغنيه بيه

كلنا يا عزيزى غلابه
ربنا يرحمنا برحمته

ghada mOhsen يقول...

بحب أنا العبقريه في الأفكار
^^

ماهو وسط الأسعار الملتهبه إللي إحنا فيها
يبقى الواحد ضروري يدبر نفسه عشان مايحس بأي نوع من الحرمان

يسلمووو
^_^

mrmr يقول...

ghada mOhsen

يا مراحب يا مراحب

اهوو نعمل ايه بس من باب التغير
ولعدم الشعور بالملل والروتين

نورتى يا قمر

ツSmiLeY AnGeLツ يقول...

السلام عليكم
الصراحة وصفة لاتجي على البال ولاعلى الخاطر
تسملي على الوصفات الجميلة دي
انتي اكيد طباخة
ربنا يوفقك
سلامي ياعسولة

شهرزاد يقول...

هو مالو الباذنجان دا أحسن من اللحمه
على الاقل ما بيرفعش الكوليسترول
تسلمي مرمر عل هذه الوصفة

mrmr يقول...

خواطرى فى الحياه

نعمل ايه لازم نغير يا غاليتى
الروتين والقرف

ولا اللحمه اللى 70 جنيه تعبنا وجيوبنا تعبت واتخرمت

ياريت تكون الفكره عجبتك

mrmr يقول...

شهر زاد الحبيبه

الباذنجان !!!!!! بموووووت فيه ولذيذ وطعم وله فوايد كثيره

ديما بتسعدينى بتواجدك

نورتينى يا قمر

richardCatheart يقول...

انا بموت فى الفتيجان بكل انواعه واشكاله وهاجرب الطريقه دى انا الطبيعى بقليه وبعمله بالخل والتوم او الطماطم بم ان الطماطم نار يبقى بالصلصه

تسلمى يا مراميرو

gogo!sf يقول...

الله يا مرمر طريقه حلوة اوى
وجوعتينى وانا اصلا جعانه اوى ههههههههههه وبحب الباذنجان بس بعملو يا اختى مسقعه اصل بحبه اوى اوى
بس تصدقى انا هقوم اجرب الطريقه دى فر صه وانا جعانه لتقف تطلع وحشه ههههههههههههههههه

تسلم ايدك يا مرمر بجد طريقه عجبتنى جدا ولازم اعملها بجد

تسلمى يا قمر

غير معرف يقول...

جربت الطريقه دى قبل كدا
وفعلا طعمها جميل
غير طبعا البذنجان اللى بالخل والتوم والدمعه والفلفل الحاااااار
كل نعمة ربنا جميله
تسلم ايديك يا مرمورة
وحشتينى

mrmr يقول...

قطتى هنا
يا مرحبا يا مرحبا

انا كمان من عشاق البتنجان
الله يرحمك يا امى هى اللى حببتنى فيه
ومكنتش بحب اكله غير من ايديها

اتمنى فعلا تجربيها انا واثقه انها ح تعجبك قوى

نورتينى يا قطتى

mrmr يقول...

جوجو
يا حبيبه قلبى انتى جعانه
تعالى يا قمر اغرفلك طبق من عمايل ايديا ههههههه

الطريقه دى ح تعجبك قوى وتعجب الاولاد وكمان نادر ح ياكل صوابعينه وراها
ههههههه

بس ابقى عدى صوابعه بعد الاكل

ياللا يا قمر ربنا يساعدك
قدامى على المطبخ وح تلاقينى وراكى خطوه خطوه علشان لما تخلصى الاكل اكله انا هههه

انا سعيده بوجودك فى ركنى المفضل

ربنا يسعد قلبك

mrmr يقول...

حبى الجميل

لباذنجان من الاكلات المحببه لناس كتير وطرق صنعها كتير قوى

واكيد من ايديكى ح يكون لها مذاق خاص

نورتينى يا قمر

بحبك يا قمر انتى وبمووت فيكى

امووووواه

السُـلطانة يقول...

السلام عليكم ورحمة الله وبركاته ..

أعتذر أختي في الله مرمر عن التأخر في التعليق ماشاء الله مدونتك عامرة دائما بالأكلات اللذيذة والنفس الحلو .. وزي ما قلتي ربنا يرحمنا برحمته .. بارك الله فيك وسلمت أناملك.

Dr/ walaa salah يقول...

تسلم ايدك يا مرمر

اكلاتك لذيذه يا حبيبتي ومفيده صحياً

اشكرك وفي انتظار جديدك

mrmr يقول...

السلطانه

لا يا قمر انتى متاخرتيش ولا حاجه
المدونه كلها تحت امرك وفى اى وقت
ربنا يسعدك ويحافظ عليكى

mrmr يقول...

د / ولاء

ديما باسعد بتواجدك الدائم

شكرا لمتابعتك

ربنا يفرح قلبك

template by Osama hosny 2009