سفرتى رابع يوم

صباح الجمال على عيون كل اصدقائى الحلوين 

وعلى عيون كل متابعى مدونتى الغاليين

رابع يوم رمضان 

ح اقدم ليكو فطار اعتقد انه ح يعجبكوا

الموز بالذبادى

 

2 موز + علبة زبادي  + سكر حسب الرغبه+

1/2 كوب لبن

الطريقه

اضربي المكونات في الخلاط الكهربائي 

ويمكن أن تخففيه باللبن على حسب رغبتك 

ويوضع في الثلاجة 

ويقدم في الأكواب ويزين بقطع الموز 

وبالهناااااااا

شوربه الجمبرى

المكونات

1/2 كيلو جمبرى وسط مقشر

1/2 كوب لبن 

بصله وسط مضروبه فى الكبه او مبشورة
فصين توم
طماطمايه مقشرة ومبشورة
ملعقة دقيق - بهارات
ملح-فلفل اسود-كسبرة-كمون-كارى
ملعقه زيت

الطريقه
لعمل الصوص الابيض
نضع ملعقه زبده ثم نضع ملعقه الدقيق 

ونضيف اللبن ونقلب واحدة واحدة لحد ماتبقى متماسكه وتوضع على جمب
نضع ملعقه الزيت ثم البصله ونقلب لحد ماتدبل البصله ثم نضيف التوم ونقلب
نضع الجمبرى ونقلب لمده 3 دقايق
نضع الطماطم على الخليط ونتركه 5 دقايق ولو الميه نشفت نزود حاجه بسيطه خالص لحد الجمبرى ماياخد اللون الاحمر نضع البهارات
والفلفل الاسودو الكمون والكسبرة و الكارى والملح
نضع الصوص الابيض ونزود ماء حسب الاحتياج
ونتركه لحد ما الجمبرى يستوى
وبالهنا والشفا
 

سلطه الزبادى بالخيار

زبادى  اى كميه
خيار برضه اى كميه
نعناع مجفف
ملح
شوية زيت
ثوم

طريقة التحضير

تبشرى الخيار او تقطعى قطع متوسطه وبعدين تحطى عليه الزبادى والنعناع والملح وتخلطيهم كويس وقبل الاكل تحطى الزيت 

البسطا فلورا

المقادير   

2كوب دقيق

2 بيضه

ثلثين كوب سمن

ثلثين كوب سكر

1 ملعقة بيكنج بودر

4 ملاعق كبيرة مربى

1ملعقة فانيليا كبيرة 

الطريقة

تخلط المقادير جميعاً مع بعضها البعض ما عدا المربى 

حتى نصنع عجين متجانس مائل للتماسك اكثر 

من الليونة نقسم العجينة ثلثين وثلث

نفرد الثلثين فى صينية متوسطة الحجم
تفرد المربى فوق العجين المفرود فى الصينية
نبشر باقى العجينة بالمبشرة فوق الصينية أو نعملها على هيئة أصابع طويلة ترص طولياً وعرضياً على هيئة مربعات على العجينة المفرودة فى الصينية
تدخل الفرن لمدة تتراوح بين 15 و25 دقيقة

وبالهنااااا

لمزيد من الوصفات فيديو

فى 

مكتبه الفيديو 

 

أنشر الموضوع فى المفضلات الاجتماعية من هنا